ហេតុការណ៍គួរឲ្យរន្ធត់ចិត្តនេះកើតឡើង នៅទីក្រុង Tainan Taiwan-ចិន ។
តាមកំណត់ត្រារបស់មន្ទីរពេទ្យ Tainan នោះស្ត្រីវ័យក្មេងម្នាក់បានឱបក្មេងស្រីអាយុ ១ឆ្នាំកន្លះ ចូលមកសង្គ្រោះបន្ទាន់នៅមន្ទីរពេទ្យ ។ ប៉ុន្តែពេលមកដល់បន្ទប់សង្គ្រោះក្មេងស្រីពុំមានសញ្ញាថានៅមានជីវិតទេ… ។ ទោះយ៉ាងនេះក្តី ក្រុមគ្រូពេទ្យប្រឹងធ្វើចលនាបេះដូង សួត តែនាងតូច បានលាចាកលោកហើយ ។
ក្មេងស្រី១ខួបកន្លះត្រូវគេធ្វើបាបរហូត…ស្លាប់ ។
អំឡុងពេលសង្គ្រោះក្រុមគ្រូពេទ្យបានពិនិត្យឃើញមានសម្លាកជាំ ស្នាមខ្វាចជាច្រើន… ។ សង្ស័យថាជាអំពើរហិង្សាចំពោះកុមារពួកគេក៏ទូរស័ព្ទប្រាប់ប៉ូលិស ។
ប៉ូលិសមកដល់ភ្លាម ហើយក្រោយារពិនិតនោះ ក្មេងស្រីបានរងការវាយដំធ្វើបាបច្រើនកន្លែង ពិសេសគឺមានឈាមហូរក្នុងខួរក្បាល សង្ស័យថារងការប៉ះទង្គិចដោយវត្ថុ ឬចាប់…បោក ។
លើរាងកាយក្មេង មានស្នាមរបួសរាប់មិនអស់ ។
តាមកោសល្យវិច្ច័យក្មេងនោះបានស្លាប់មុននេះប្រមាណ ៤ម៉ោងម្លេះ តាមរយៈការគណនាសីតុណ្ហភាពសាកសព ។
ស្ត្រីជាម្តាយពេលបីកូនមកចូលពេទ្យទាំងកណ្តាលយប់ ។
នៅប៉ុស្តិ៍ប៉ូលិស ស្ត្រីរូបនេះឆ្លើយថា បានរៀបការនៅអាយុ ១៦ឆ្នាំ ហើយ ១៧ឆ្នាំក៏លែងលះ ។ បច្ចុប្បន្នរស់នៅជាមួយបងប្អូនជីដូនមួយ២នាក់ ហើយសង្សារថ្មីអាយុ ២៧ឆ្នាំ ជាអ្នកបើកបរតាក់ស៊ី ។
មើលមុខស្ត្រីជាម្តាយ
មុននោះពួកគេទាំង ៤ បានគិតនាំនាងតូចទៅច្រៀងខារ៉ាអូខេ តែឃើញមានអាការៈខ្សោយខ្លាំងក៏ប្រញាប់យកទៅមន្ទីរពេទ្យ ។ នៅផ្ទះជនទាំង៤ ប៉ូលិសបានរកឃើញឧបករណ៍មួយចំនួនដែលសង្ស័យថាជារបស់ដែលពួកគេវាយធ្វើបាបក្មេងស្រីតូច ។
ប៉ូលិសបានចាប់ជនសង្ស័យទាំង ៤ មកឃុំខ្លួនបណ្តោះអាសន្ន ។ ប៉ុន្តែព័ត៌មានខាងលើបានបែកធ្លាយលើបណ្តាញសង្គម ធ្វើឲ្យមនុស្សមួយចំនួនដេកលែងលក់ នាំគ្នាទៅកាន់ផ្ទះជនម្មើស និងប៉ុស្តិ៍ប៉ូលិសទាំងម៉ោង ១និង០០រំលងអាធ្រាត ដើម្បីប្រដៅស្ត្រីជាម្តាយ និងគូកនរួមដៃគ្នាសម្លាប់ក្មេងស្រី ដែលគ្នាមិនដឹងអ្វីសោះ ។
ទោះបីប៉ូលិសឃាត់ក៏រថយន្តតាក់ស៊ីរបស់បុរសជាប្តីក្រោយរបស់នាងនោះបានត្រូវវាយខ្ទេច ។
សំណួរតែ១គត់លើបណ្តាញសង្គមគឺ នេះឬជាម្តាយ? ហេតុអ្វីក៏នៅសេសសល់មនុស្ស “សំរាមសង្គម” បែបនេះ?