ស្វាមីរាជនីអង់គ្លេស ដែលមានវ័យ ៩៧ឆ្នាំហើយនោះ បានត្រូវប៉ូលិស “សាកសួរ” ព្រោះមិនពាក់ខ្សែក្រវ៉ាត់សុវត្ថិភាព ហើយ២ថ្ងៃក្រោយ បង្កការប៉ះទង្គិចមួយ ។
ព្រះអង្គម្ចាស់បើកបររថយន្តក្បែរវិមានមហាក្សត្រនៅ Norfolk ថ្ងៃទី ១៩/១ ។
នៅថ្ងៃទី ១៩ ខែមករា ប៉ូលិស Norfolk បានទាក់ទងជាមួយព្រះអង្គម្ចាស់អង្គនេះ ក្រោយពេលប្រព័ន្ធផ្សព្វផ្សាយអង់គ្លេសបានផ្សព្វផ្សាយរូបភាពលោក Philip អាយុ ៩៧ឆ្នាំ បើកបរតែម្នាក់ឯងតាមផ្លូវសាធារណៈនៅក្បែរវិមាន Sandringham ដោយរថយន្ត Land Rover ថ្មីស្រឡាង តែភ្លេច…ពាក់ខ្សែក្រវ៉ាត់សុវត្ថិភាព ។
អ្នកនាំពាក្យប៉ូលិសពោលថា ៖ “យើងបានបញ្ជូននូវការទូន្មានសមស្រប” ដល់ព្រះអង្គម្ចាស់ Philip ។ “ប្រការនេះ សមស្របទៅនឹងប្រតិកម្មស្របតាមច្បាប់ ក្រោយពេលរូបភាពទាំងនេះបានបង្ហាញពីការបំពាន” ។
២ថ្ងៃមុននេះព្រះអង្គម្ចាស់ Philip បានបង្កការប៉ះទង្គិចចរាចរមួយនៅតំបន់ក្បែរនេះដែរ បានធ្វើឲ្យរថយន្តរបស់លោកផ្អៀងតែពុំបង្កគ្រោះថ្នាក់ ។
យ៉ាងនេះក្តីទង្វើខាងលើបានធ្វើឲ្យស្ត្រីម្នាក់បាកដៃហើយគាត់រអ៊ូថា គាត់ពុំទទួលបានការសុំទោសពីសំណាក់ព្រះអង្គម្ចាស់ឬគ្រួសារមហាក្សត្រទេ ។
ប៉ុន្តែក្នុងប្រកាសមួយរបស់ប៉ូលិសឲ្យដឹងថា ករណីនេះកំពុងត្រូវបានស៊ើបអង្កេតហើយនឹងមានដំណោះស្រាយសមស្របមួយ ។
គិតទៅគ្មានអ្នកណានៅលើច្បាប់បានទេ!
ចន្ទ្រា