ខេត្តស្វាយរៀង ៖ នៅព្រឹកថ្ងៃ ២រោច ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃ២២ ខែមករា ឆ្នាំ២០១៩ នៅស្នងការដ្ឋាននគរបាលខេត្តស្វាយរៀង បានធ្វើពិធីប្រគល់នឹងទទួល ទូរដាក់ឯកសារចំនួន ៨៨ ទូរ ដែលជាអំណោយរបស់លោក នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងលោកស្រី ហ៊ុន គឹមឡេង ក្រោមអធិបតីភាពលោក ឧត្តមសេនីយ៍ទោ កឹង ឃន ស្នងការនគរបាលខេត្ត ស្វាយរៀងបានប្រគល់ជូនដល់គ្រប់អធិការដ្ឋាននគរបាលក្រុង-ស្រុក ទាំង ៨ និង ប៉ុស្តិ៍នគរបាលរដ្ឋបាលឃុំ-សង្កាត់ទាំង៨០។
ពិធីប្រគល់ទទួលទូរដាក់ឯកសារនេះដែរបានធ្វើឡើងក្នុងឱកាសដែលលោកស្នងការនគរបាលខេត្ត បានរៀបចំកិច្ចប្រជុំបូកសរុបលទ្ធផលអនុវត្តសេចក្តីណែនាំលេខ ០០៣ សណន ស្តីពីការពង្រឹងបន្ថែមប្រសិទ្ធភាពការងារកិច្ចការប៉ុស្តិ៍នគរបាលរដ្ឋបាលប្រចាំខែមករា និងទិសដៅខែកុម្ភ: ឆ្នាំ២០១៩ ព្រមទាំងមានការអញ្ជើញចូលរួមពីលោក លោកស្រីជា ស្នងការរង លោកអនុប្រធានសេនាធិការ លោកអនុប្រធានការិយាល័យកណ្តាល លោក លោកស្រីនាយ នាយរងការិយាល័យ លោកអធិការ លោកអធិការរងទទួលការងារប៉ុស្តិ៍នគរបាលរដ្ឋបាលទាំង ៨ក្រុង/ស្រុក លោកមេបញ្ជាការវរសេនាតូចនគរបាលការពារព្រំដែនគោក៦០៩ និង៦១១ លោកនាយផ្នែកសេនាធិការ និងកិច្ចការប៉ុស្តិ៍ ទាំង ៨ក្រុង/ស្រុក លោក លោកស្រីនាយប៉ុស្តិ៍នគរបាលរដ្ឋបាលទាំង ៨០ប៉ុស្តិ៍ លោកនាយប៉ុស្តិ៍នគរបាលការពារព្រំដែន លោក លោកស្រីនាយ នាយរងផ្នែក និងមន្ត្រីការិយាល័យកិច្ចការប៉ុស្តិ៍ និងសរុបផែនការ សរុបវត្តមាន ២៦៧ ស្រី ១០ នាក់ ៕ ដោយ ៖ វ៉ៃគោ
