ក្រោយពេលស្រវឹងស្រាជោគជាំ បុរសចិនម្នាក់បានតោងឡើងបង្គោលភ្លើង រួចដើរលើខ្សែភ្លើង ហាក់ចង់បញ្ជាក់ថាគេ…អស្ចារ្យណាស់! ។
ហេតុការណ៍នេះកើតឡើងនៅទីក្រុង Quanzhon ខេត្ត Fujiang ប្រទេសចិន កាល់ពីថ្ងៃទី២០ កុម្ភៈ កន្លងមក។ ភ្នាក់ងារសង្ក្រោះបានទាក់ទងក្រុមហ៊ុនអគ្គិសនីភ្លាមៗ សំណូមពរឲ្យផ្តាច់ចរន្តភ្លើងនៅតំបន់នោះ ហើយពួកគេប្រឹងចរចាឲ្យបុរសនោះចុះមកដីវិញ ។
ប៉ុន្តែជនស្រវឹង ហាក់ដូចពុំអើពើ ហើយបន្តដើរលើខ្សែភ្លើងប្រៀបដូចជាកំពុងសម្តែងសៀក ។ ឃើញបែបនេះភ្នាក់ងារសង្គ្រោះបានយកពូកខ្យល់មកដាក់ចំពីខាងក្រោម ក្រែងលោវាធ្លាក់ចុះ ។
…៣ម៉ោងកន្លងផុត តែបុរសប្រមឹកពុំព្រមចុះ ធ្វើឲ្យភ្នាក់ងារសង្គ្រោះប្រើវិធីចុងក្រោយគឺចាត់ឲ្យបុគ្គលិកខ្លួនឡើងលើខ្សែកាប្លិ៍ចូលកៀក រួចច្រានបុរសនោះឲ្យធ្លាក់ចុះមកលើ…ពូកខ្យល់ ។
ពិតជាស្រវឹងមិនដឹងងាប់ ឬវាចង់…ងាប់!
ចន្ទ្រា