ថ្មីៗនេះក្រុមវេជ្ជបណ្ឌិតនៅមន្ទីរពេទញយ Lanzhou ខេត្ត Gansu ប្រទេសចិនបានធ្វើការវះកាត់ម្រាមដៃ ដែលរលេះចេញឲ្យបុរសអាយុ ៣៥ឆ្នាំម្នាក់ ។ ប្រការដែលគួរឲ្យហូសចិត្តនោះគឺម្រាមដៃ ៤ ដែលដាច់រលេះចេញពុំមែនដោយសារគ្រោះថ្នាក់អ្វីទេ តែគឺជនរងគ្រោះ…បានកាប់ខ្លួនឯងតែម្តង ។
កោតតែចេះបន្ធូកំហឹងបែបនេះ ។
ហេតុការណ៍គឺនៅថ្ងៃកើតហេតុ បុរសរូបនេះនិងភរិយាបានផ្ទុះជម្លោះខ្លាំងមួយ ។ គ្រាកំសួលកំហឹងឡើងដល់កំពូល បុរសរូបនេះបានឈោងចាប់យកកាំបិតប៉័ងតោក្បែរខ្លួនមកកាប់…ដៃខ្លួនឯងតែម្តង ។ ស្ត្រីជាភរិយាពិតជាស្លន់ស្លោរយ៉ាងខ្លាំងប្រញាប់នាំប្តីទៅមន្ទីរពេទ្យ ។
វេជ្ជបណ្ឌិតប្រាប់ថា ថ្វីបើការវះកាត់តភ្ជាប់បានសម្រេចក្តីតែពីនេះតទៅ បុរសរូបនេះពុំអាចប្រើប្រាស់ចលនាដៃបានដូចមុនទៀតទេ ។
ការវះកាត់តភ្ជាប់ជោគជ័យ
ចែករំលែកប្រាប់ Pear video នៅលើគ្រែពេទ្យ បុរសរូបនេះពោល ៖ “ខ្ញុំយល់ថាពុំគួរវាយ ឬធ្វើឲ្យប្រពន្ឌឈឺចាប់ទេ ។ ហេតុនេះខ្ញុំបានចាប់យកកាំបិតកាប់ម្រាមដៃរបស់ខ្លួន… ។ ខ្ញុំពិតជាបានធ្វើរឿងល្ងង់ខ្លៅបំផុត១” ។
ឥឡូវពួកគេនាំគ្នាស្តាយក្រោយ! យ៉ាងណាទាល់តែអស់ម្រាម ៤ ទើបភ្ញាក់ប្រាណ ។
ពាក្យចាស់ពោលថា ៖ “ខឹងគេឈឺខ្លួនឯង គេមានទៅឈឺស្អី!” ហើយខឹងខូច ខឹងខាត ខឹង…ខុស” ដែរ!