អ្នកបើកបររថយន្តនៅផ្លូវហាយវ៉េ ក្នុងរដ្ឋ Iowa អាមេរិក ពិតជាស្រឡាំងកាំងពុំនឹកស្មានដល់ថា ហ្វូងសត្វប្រឹសនេះបែរជារត់ឆ្លងថ្នល់រំលងបង្កាន់ស្ពានដើម្បីធ្វើអត្តឃាត។
តាម Daily Mail, Catherine Veerhusen អ្នកដែលបានចែករំលែកខ្សែវីដេអូ លើប្រព័ន្ធ facebook ឯកជន ហេតុការណ៍បានកើតលើងនៅវេលាម៉ោង ប្រហែល ១៥និង១៥នាទី ល្ងាចថ្ងៃទី១០/១២ ។
ខណៈពេលនោះប្តីប្រពន្ធនាង Veerhusen កំពុងបើករថយន្តលើស្ពាន 80th Street SW ចំណុះផ្លូវហាយវ៉េ ក្នុងរដ្ឋ Iowa ឈ្លូសមួយក្បាលបានបោលយ៉ាងលឿនឆ្លងកាត់ផ្លូវ ហើយលោតរំលងបង្កាន់ដៃស្ពានធ្លាក់ទៅលើដី។ ប្រឹសបីក្បាលទៀតដែលបោលពីក្រោយក៏មានសកម្មភាពដូចគ្នា។
នាង Veerhusen និយាយថា ខ្ញុំពុំធ្លាប់ឃើញទិដ្ឋភាពដ៏ចម្លែកបែបនេះទេ ។ ពិតជាគ្មានពាក្យពេចន៍ណាមួយអាចពណ៌នាបាននៅក្នុងខណៈពេលដ៏គួរឲ្យព្រឺព្រួចនោះ ខ្ញុំឈរទ្រឹងមួយកន្លែងព្រោះស្លុតចិត្តពេក ពុំដែលឃើញទង្វើបែបនេះឡើយ។
Denny Benyshek, សាក្សីម្នាក់ទៀតដែលបើកឡានពីក្រោយប្តីប្រពន្ធខាងលើថ្លែងថា ៖ ហេតុការណ៍នេះប្រព្រឹត្តទៅយ៉ាងលឿន ហើយពួកវាលោតរំលងបង្កាន់ស្ពានភ្លាមៗ។
តាមលោក Ron Lane, ភ្នាក់ងារអភិរក្សធនធានធម្មជាតិនៅ Iowa និយាយថា ហ្វូងប្រឹសនេះអាចមានអារម្មណ៍ចម្លែក ព្រោះស្ពានថ្មីមួយនេះទើបសង់រួចរាល់តុលា ។
ទិដ្ឋភាពអណោចអធ័មរបស់សត្វប្រឹសដែលស្លាប់គ្មានសល់មួយ
