ខេត្តកំពង់ស្ពឺ ៖ ជនសង្ស័យជាមុខសញ្ញាពាក់ព័ន្ធករណីចោរកម្មលួចម៉ូតូ និងទទួលផលចោរកម្មនៅក្រុងច្បារមន ត្រូវបានជំនាញព្រហ្មទណ្ឌក្រុងច្បារមន.ខេត្តកំពង់ស្ពឺ បានចុះសហការបង្ក្រាបមុខសញ្ញានៅខេត្ដកណ្ដាល -កំពង់ឆ្នាំង ហើយជនសង្ស័យទាំងពីរខាងលើកម្លាំងជំនាញកំពុងកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធីច្បាប់ នៅថ្ងៃទី 9 ខែមីនាឆ្នាំ 2018 នេះ។
ជនសង្ស័យពាក់ព័ន្ធមុខសញ្ញាម្នាក់ ពីបទ ចោរកម្មលួចម៉ូូតូកាលពីថ្ងៃទី៥.៣.២០១៩ នៅភូមិភ្នំដី សង្កាត់ច្បារមន ក្រុងច្បារមន ខេត្តកំពង់ស្ពឺ រួចគេចខ្លួនបាត់ក្រោយប្រតិបត្តិការចុះស្រាវ ជ្រាវនិងមានកិច្ចសហការពីដើមបណ្ដឹង ”ឈ្មោះពៅ ភាព ភេទប្រុស អាយុ ៤១ឆ្នាំ មានទីលំនៅភូមិភ្នំដី សង្កាត់ច្បារមន ក្រុងច្បារមន មុខរបរ ជាងផ្សាដែក មុខសញ្ញា គឺជាកូនជាងរបស់ខ្លួនឈ្មោះកូវ សាវ៉េត ភេទប្រុស អាយុ១៨ឆ្នាំ មានទីលំនៅភូមិពាមពពេច ឃុំកោះថ្កូវ ស្រុកជល់គីរី ខេត្តកំពង់ឆ្នាំង បានលួចយកម៉ូតូរបស់ខ្លួន ម៉ាក វ៉េវអាល់ហ្វា ពណ៌ខ្មៅ ស៊េរីឆ្នាំ២០១៩គ្មានស្លាកលេខដែលទុកនៅពីមុខផ្ទះរួចរត់គេចខ្លួនបាត់។
ដោយមានការចង្អលណែនាំបញ្ជាផ្ទាល់ពីលោកឧត្តមសេនីយ៍ទោ សម សាមួន ស្នងការនគរបាលខេត្ត និងមានការសម្របសម្រួលពីលោកស្រី ចាតសូរ រស្មី ព្រះរាជអាជ្ញា អយ្យការអមសាលាដំបូងខេត្តកំពង់ស្ពឺ ជំនាញបានចុះសហការជាមួយកម្លាំងជំនាញយុត្តិធម៌ស្រុកកំពង់ត្រឡាច ខេត្តកំពង់ឆ្នាំង ធ្វើការឃាត់ខ្លួនជនសង្ស័យបានតែម្តង។
យោងតាមចម្លេីយរបស់ឈ្មោះកូវ សាវ៉េត កម្លាំង ជំនាញនគរបាលព្រហ្មទណ្ឌកំរិតស្រាល បានសហការជាមួយកម្លាំងអធិការដ្ឋាននគរបាលស្រុកអង្គស្នួល ធ្វើការឃាត់ខ្លួនជនសង្ស័យ ០១នាក់ទៀត ឈ្មោះយិន ភ័ក្ត្រ ភេទប្រុស អាយុ៤៣ឆ្នាំ រស់នៅភូមិបែកចាន ឃុំបែកចាន ស្រុកអង្គស្នួល ដកហូតវត្ថុតាងម៉ូតូ ០១ គ្រឿង ម៉ាក វ៉េវអាល់ហ្វា ស៊េរីឆ្នាំ ២០១៩ (ទទួលផលចោរកម្ម)។
បច្ចុប្បន្នជនសង្ស័យទាំងពីរខាងលើកម្លាំងជំនាញកំពុងកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធីច្បាប់៕ ដោយ ៖ កូឡាប
