អ្នកដំណើរជាង ៨០ នាក់ បានរងរបួស ដែលមួយចំនួនរបួសធ្ងន់ធ្ងរ ក្រោយពេលនាវាចម្លងមួយគ្រឿង បានបុកត្រីបាឡែន នៅក្នុងសមុទ្រជប៉ុន។
មុនពេលកើតហេតុ នាវាចម្លងល្បឿនលឿននោះកំពុងធ្វើដំណើរពីកំពង់ផែ Niigata ឆ្ពោះទៅកាន់កោះ Sado កាលពីថ្ងៃសៅរិ៍កន្លងទៅនេះ ។
អ្នកប្រតិបត្តិការកប៉ាល់នោះបាននិយាយថា កប៉ាល់ពួកគេបានបុកទៅនឹងរបស់មួយ បណ្តាលឲ្យមានស្នាមប្រេះប្រវែង ១៥ ម៉ែត្រ។
ប្រព័ន្ធផ្សព្វផ្សាយសាធារណៈ NHK បានធ្វើការដកស្រង់សំដីរបស់អ្នកជំនាញសត្វសមុទ្រ ដោយបានបញ្ជាក់ថា បើតាមសំណាកជាប់នៅនឹងនាវាបានបង្ហាញថា វាបានបុកត្រីបាឡែនមួយក្បាល។
នៅក្នុងសេចក្តីប្រកាស អ្នកបើកនាវាចម្លងនោះបានថ្លែងសូមទោសដល់អតិថិជន និងបាននិយាយថា នាវាទំនងជាបុកជាមួយនឹងសត្វសមុទ្រ។
អ្នកដំណើរម្នាក់ដែលរងរបួសបានថ្លែងថា “បំពង់ករបស់ខ្ញុំបានបុកទៅនឹងកៅអីនៅពីមុខខ្ញុំ។ មនុស្សជាច្រើននៅជុំវិញខ្ញុំ ស្រែកថ្ងូរឈឺ” ។
បើតាមឆ្មាំសមុទ្របានបញ្ជាក់ថា មនុស្ស ១៣នាក់កំពុងស្ថិតក្នុងសភាពធ្ងន់ធ្ងន៕
ប្រែសម្រួលដោយ៖ សុភ័ក្រ
ប្រភព៖ BBC