នាង Librade Patam បច្ចុប្បន្នអាយុដល់ទៅ ៦៨ឆ្នាំហើយ កំពុងរស់នៅ Cauita ប្រទេសហ្វីលីពីន ។ ព្រោះតែមានជំងឺដុំពកសរសៃប្រសាទ បានធ្វើឲ្យផ្ទៃមុខរបស់នាងប្រែប្រួលបន្តិចម្តងៗ រហូតដល់លែងដូចមនុស្ស ។
នាង Librada Patam
ក្រីក្រគ្មានលុយពិនិត្យព្យាបាលធ្វើឲ្យស្ថានភាពរបស់នាងវិវត្តកាន់តែធ្ងន់ធ្ងរ ។ អ្នកផងឃើញនាងតែងប្រញាប់គេចចេញ ហៅនាងថាបិសាច… ។
នាងក៏ត្រូវបង្ខំឲ្យដេកក្រៅផ្ទះជាមួយឆ្កែ ព្រោះសូម្បីតែគ្រួសារក៏គ្មានអ្នកណាចង់ឲ្យនាងនៅ…ក្បែរ ។
នារីដែលពោលនេះមានវ័យចំណាស់ហើយនោះបានចែករំលែកទាំងក្តុកក្តួលថា ៖ នៅឆ្នាំ ២០១៣ មុខរបស់នាងចាប់ផ្តើមកើតមុនចម្លែក តែគ្មានលុយទៅពិនិត្យព្យាបាល រួចពីមួយថ្ងៃទៅមួយថ្ងៃ វាក៏ប្រែប្រួលអស់ ។ ឥឡូវសូម្បីតែនិយាយក៏ពិបាកដែរ ។
នាងធ្លាប់បានទៅពេទ្យម្តង គេឲ្យថ្នាំផឹក៦ខែ ប៉ុន្តែស្ថានភាពពុំមានការប្រែប្រួលអ្វីសោះ ហើយកាន់តែធ្ងន់ធ្ងរលើសដើម ។ នាងងាកមកនឹកថ្នាំបុរាណ តែពុំមានប្រសិទ្ធភាព ។
មុននោះនាងក៏មានកូនប្រុស ២នាក់ ផងដែរ ប៉ុន្តែពុំមានមួយណាចង់មើលថែនាងទេ ។ នាងមានតែប្រឹង ហើយលេងកម្សាន្តជាមួយហ្វូងឆ្កែប៉ុណ្ណោះ ។
លើលោកិយ៍នេះមានរឿងអភ័ព្វគួរឲ្យសង្វេកប្លែកៗច្រើនមែនន៎! សូម្បីតែកូនដែលខ្លួនធ្លាប់ពរពោះក៏វាពុំខ្ចីរវល់ដែរនោះ! ៕ ចន្ទ្រា
