បរិបូណ៍ ៖ កំពង់ឆ្នាំង៖ យ៉ាងហោចណាស់រថយន្តចំនួន៣គ្រឿងបានបុកគ្នាពេញទំហឹងបណ្តាលឲ្យបុរសម្នាក់វ័យជាង ៧០ឆ្នាំ ដែលគេស្គាល់ថាជាអតីតព្រះរាជអាជ្ញាខេត្តបាត់ដំបងបានស្លាប់ភ្លាមនៅកន្លែងកើតហេតុ និង បុរសម្នាក់ផ្សេងទៀតបានរងរបួសធ្ងន់កំពុងស្ថិតក្រោមការជួយសង្គ្រោះ។
នៅថ្ងៃទី ១៧ ខែ មីនា ឆ្នាំ ២០១៩ វេលាម៉ោង ៩និង១០នាទី ព្រឹក នៅលើផ្លូវជាតិលេខ ៥ចន្លោះ គីឡូម៉ែត្រលេខ ១១៤-១១៥ ស្ថិតក្នុងភូមិ ទួលរកា ឃុំ មេលំស្រុក បរិបូរណ៍ កើតមានករណីគ្រោះថ្នាក់ ចរាចរណ៍រវាង រថយន្ដ ៣គ្រឿងបណ្ដាលឲ្យបុរសម្នាក់ស្លាប់នៅនឹងកន្លែង ។
បើតាមការិយាល័យផ្សព្វផ្សាយអប់រំ នៃស្នងការដ្ឋាននគរបាលខេត្តកំពង់ឆ្នាំង បានឲ្យដឹងថា គ្រោះថ្នាក់ចរាចរណ៍រវាងរថយន្តទាំងបីគ្រឿង នោះគឺ ៖
១-ម៉ាក CRV ពណ៌ស្ករ ពាក់ផ្លាកលេខ ភ្នំពេញ 2AB 0942 បើកបរដោយឈ្មោះ យ៉ាំ យ៉េត ភេទប្រុសអាយុ ៧៩ឆ្នាំជា អតីតព្រះរាជអាជ្ញា រស់នៅភូមិ វត្តរការ ឃុំ ឱម៉ាល់ ក្រុង បាត់ដំបង (ស្លាប់)។
២-រថយន្ដ ម៉ាក TACOMA ពាក់ផ្លាកលេខ កំពង់ចាម 2A 4829 បើកបរដោយឈ្មោះ នួនសត្យា ភេទប្រុសអាយុ ២៥ឆ្នាំ រស់ ភ្នំពេញ មានអ្នក រួមដំណើរ ០២ នាក់ ក្នុងនោះរបួសធ្ងន់ ០១នាក់។
៣-រថយន្ដ ម៉ាក លុចស៊ីស ៤៧០ ពាក់ផ្លាកលេខ នគរបាល 2-1396 បើកបរដោយឈ្មោះ ចែម សារុំ ភេទប្រុស អាយុ ៥៣ រស់នៅ ភ្នំពេញ មិនរងរបួសទេ។
ក្នុងហេតុការណ៍នេះបណ្តាលឲ្យ ខូចខាតរថយន្ដ ចំនួន៣ គ្រឿង ធ្ងន់ ២គ្រឿង ម៉ាកTACOMA និង CRV ។
លោកអធិការស្រុកបរិបូណ៍បានឲ្យដឹងថា ករណីគ្រោះថ្នាក់ចរាចរនេះបានបណ្តាលឲ្យ ស្លាប់ម្នាក់នៅកន្លែងកើតហេតុជាអតីតព្រះរាជអាជ្ញាខេត្តបាត់ដំបង និងរងរបួសធ្ងន់ម្នាក់កំពុងស្ថិត ក្រោមការជួយសង្គ្រោះ។ លោកអធិការស្រុកដដែលបន្តថា ជនរងគ្រោះដែលបានស្លាប់នោះមានឈ្មោះ យ៉ាំ យ៉េត ភេទប្រុស អាយុ៧៩ឆ្នាំ មានទីលំនៅភូមិវត្តរកា ឃុំឱម៉ាល់ ក្រុងបាត់ដំបង។ ជនរងគ្រោះបើករថយន្ត ម៉ាកCRVពណ៌ស្ករ ពាក់ផ្លាកលេខភ្នំពេញ2AB-0942។
លោកអធិការបន្តថា ចំណែកជនរងគ្រោះដែលរងរបួសធ្ងន់នោះមានឈ្មោះ នួន សត្យា ភេទប្រុស អាយុ២៥ ឆ្នាំ មានទីលំនៅភ្នំពេញ បើកបររថយន្តម៉ាកTACOMAពាក់ផ្លាកលេខកំពង់ចាម 2A-4829 មានអ្នក រួមដំណើរ២នាក់ ក្នុងនោះរបួសធ្ងន់ ០១នាក់។ និងរថយន្ត១គ្រឿងទៀតម៉ាកLEXUS470ពាក់ផ្លាកលេខ នគរបាល2-1396 បើកបរដោយឈ្មោះ ចែម សារុំ ភេទប្រុសអាយុ ៥៣ រស់នៅ ភ្នំពេញ មិនរងរបួសទេ។ ក្រោយកើតហេតុសមត្ថកិច្ចជំនាញចរាចរណ៍ខេត្តកំពុងធ្វើការវាស់វែងនៅកន្លែងកើតហេតុ ៕ ដោយ ៖ បញ្ញាស័ក្តិ
