ខេត្តស្វាយរៀង ៖ សពបុរសម្នាក់ត្រូវបានបងប្អូនសាច់ញាតិប្រទះឃើញរលួយជ្រុះសាច់សល់តែគ្រោងឆ្អឹងនៅក្នុងស្រះទឹកដែលមានកំប្លោកដុះពេញខាងក្រោយផ្ទះរបស់ខ្លួនប្រហែល១០ម៉ែត្រដែលបាត់ខ្លួនពីផ្ទះអស់រយះពេលជិត៣ខែមកហើយសង្ស័យថាស្រវឹងស្រារអិលជើងធ្លាក់ចូលស្រះទឹកគ្មានអ្នកដឹង។
ការប្រទះឃើញសពសល់តែគ្រោងឆ្អឹងនេះបង្កឲ្យមានការភ្ញាក់ផ្អើលកាលពីវេលាម៉ោង៨ព្រឹកថ្ងៃទី១៧ខែមីនាឆ្នាំ២០១៩នៅក្នុងស្រះកំប្លោកខាងក្រោយផ្ទះប្រហែល១០ម៉ែត្រស្ថិតក្នុងភូមិ ប្រសូតិ២ ឃុំ កណ្តៀងរាយ ស្រុក ស្វាយទាប ខេត្ត ស្វាយរៀង។
បើតាមប្អូនស្រីនិងម្តាយបង្កើតរបស់ជនរងគ្រោះបានប្រាប់ អោយដឹងថា៖សាកសពដែលប្រទះឃើញសល់តែគ្រោងឆ្អឹងនោះមានឈ្មោះ មាស សាខន ហៅប្រុញ អាយុ ៤៧ឆ្នាំ មុខរបរធ្វើសំណង់ជាបុរសពោះម៉ាយមានកូនចំនួន ៣ នាក់ ដែលបានលែងលះគ្នាជាមួយប្រពន្ធ ៣ ទៅ ៤ ឆ្នាំមកហើយ ដោយជនរងគ្រោះជាមនុស្សចូលចិត្តផឹកស្រា គឺស្រវឹងខួបរាល់ថ្ងៃតែម្តងទើបប្រពន្ធគេលែងចោល។
ប្រភពបានបន្តទៀតថា ៖ ដើមទងនៃការប្រទះឃើញសាកសពរលួយសល់តែគ្រោងឆ្អឹងនេះនេះ គឺបងប្អូនជនរងគ្រោះបានអះអាងថាបងបង្កើតេរបស់គាត់ដែលបានបាត់ខ្លួនពីចាប់តាំងពីថ្ងៃទី ៣ ខែមករា ឆ្នាំ២០១៩ មកម្លេះ មិនដឹងថា ទៅណានោះទេហើយបងប្អូនសាច់ញាតិក៏បានប្តឹងសមត្ថកិច្ចអោយជួយរកផងដែរ តែរកមិនឃើញ។
ប្រភពបានបញ្ជាក់ទៀតថា ៖ រហូតមកដល់ថ្ងៃទី១៧ខែមីនាឆ្នាំ២០១៩នេះខណៈដែលបូមស្រះទឹកដើម្បីចាប់ត្រីនោះក៏ប្រទះឃើញសាកសពជ្រុះសាច់អស់សល់តែគ្រោងឆ្អឹងមានស្លៀកខោខ្លីពណ៌ខ្មៅមានចងក្រមានៅចង្កេះអត់មានពាក់អាវនោះដែលក្រុមគ្រួសារអះអាងស្គាល់ថាជាបងបង្កើតដែលបានបាត់ខ្លួននោះទើបរាយការមកសមត្ថកិច្ចដើម្បីចុះមកពិនិត្យមើលនិងយោងតាមសាច់ញាតិក៏ដូចសមត្ថកិច្ចថាជនរងគ្រោះអាចស្រវឹងស្រារអិលជើងធ្លាក់ស្រះទឹកដោយគ្មានអ្នកដឹង ព្រោះសាកសពជាមនុស្សស្រវឹងខួប ហើយសពត្រូវបានសមត្ថកិច្ចប្រគល់អោយទៅក្រុមគ្រួសារយកទៅធ្វើបុណ្យតាមប្រពៃណីតែម្តងទៅ ៕ ដោយ ៖ វ៉ៃកូ
