បុរសជនជាតិសិង្ហបុរីម្នាក់ ត្រូវបានអាជ្ញាធរវៀតណាមចាប់ខ្លួន បន្ទាប់ពីរូបលោកបានបង្កើតសាច់រឿងក្លែងក្លាយថាគាត់ត្រូវគេចាប់ជំរិត ដើម្បីឲ្យសាច់ជាតិផ្ញើប្រាក់លស់ចូលកុងធនាគាររបស់ខ្លួន។ នេះបើតាមការបញ្ជាក់របស់ប៉ូលីសសិង្ហបុរី កាលពីថ្ងៃព្រហស្បតិ៍ម្សិលមិញនេះ។
ប៉ូលីសបញ្ជាក់ថា ពួកគេបានទទួលការរាយការណ៍ថាមានករណីចាប់ជំរិតជនជាតិសិង្ហបុរីម្នាក់កាលពីថ្ងៃទី ១៧ ខែកុម្ភៈ ម៉ោងប្រហែល ១០ កន្លះយប់។
ប៉ូលីសបញ្ជាក់ក្នុងសេចក្តីប្រកាសពត៌មានថា “បុរសរូបនោះបានផ្តល់ដំណឹងដល់សាច់ញាតិរបស់គាត់ថា គាត់ត្រូវបានគេចាប់ជំរិតនៅក្នុងប្រទេសវៀតណាម និងបានប្រាប់ពួកគេឲ្យវេរលុយចូលក្នុងកុងធនាគាររបស់គាត់ ដើម្បីឲ្យមានការដោះលែងគាត់”។
ដោយមានការសហការពីប៉ូលីសវៀតណាម ទើបធ្វើឲ្យពួកគេដឹងការពិតថា បុរសនោះមិនមាននរណាចាប់ជំរិតនោះទេ ហើយគាត់មានសុវត្ថិភាពធម្មតាក្នុងប្រទេសវៀតណាម។
ប៉ូលីសនិយាយថា “ការស៊ើបអង្កេតបឋមបានបង្ហាញថា បុរសរូបនោះត្រូវគេជឿជាក់ថា បានបង្កើតសាច់រឿងខ្លួនឯង ដូច្នេះសាច់ញាតិគាត់ អាចនឹងផ្ញើលុយទៅអោយគាត់”។
ក្រោយដឹងថាវាជាការបង្កើតសាច់រឿងខ្លួនឯង បុរសខាងលើត្រូវបានចាប់ខ្លួននៅព្រលានយន្តហោះ Changi នៅថ្ងៃពុធយប់ ហើយការស៊ើបអង្កេតកំពុងបន្តធ្វើទៀត។
ប្រសិនជារកឃើញថាមានកំហុសពីបទបោកប្រាស់ គាត់អាចប្រឈមនឹងការជាប់គុករយៈពេល ១០ឆ្នាំ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia