កំពង់ធំ ៖ រថយន្តដឹកស្រាបៀរអង្គរ បុកគ្នាជាមួយរថយន្តដឹកស្រាបៀរកម្ពុជា យ៉ាងពេញទំហឹង នៅលេីកំណាត់ផ្លូវជាតិលេខ ០៦ ស្ថិតក្នុងភូមិថ្នល់បែក ឃ៉ំត្រពាំងឬស្សី ស្រុកកំពង់ស្វាយ ខេត្តកំពង់ធំ វេលា ម៉ោង ១០.១៥នាទី ព្រឹក ថ្ងៃទី ២៥ មីនា ២០១៩ ចំនុចផ្លូវបំបែក ព្រះវិហារ សៀមរាប ។
តាមប្រភពពីអ្នកឃើញហេតុការណ៍ផ្ទាល់ បានប្រាប់ថា មុនពេលកើតហេតុ គេបានឃើញរថយន្តក្រុងអែបចតយកអ្នកដំណើរ បន្ទាប់មកឡានដឹកស្រាបៀរអង្គរ ស្លាកលេខ តាកែវ3A.2009 បានបើកវ៉ា ឡានក្រុង ក៏ស្រាប់តែវ៉ាក់អើជាមួយនិងរថយន្តមួយគ្រឿងទៀត ដែលបើកបរបញ្ច្រាស់ទឹសគ្នាដឹកស្រាបៀរកម្ពុជា ម៉ាកHINO ស្លាកលេខ(ភ្នំពេញ3D2158 ) ក៏បានបុកគ្នាយ៉ាងពេញទំហឹង បណ្តាលអោយអ្នកបើកបររថយន្តដឹកស្រាបៀរអង្គររងរបួសបាក់ជើងឆ្វេងនិងកៀបជាប់ជាមួយរថយន្ត ។
ប្រភពដដែលបានបន្តថាក្រោយកើតហេតុប្រជាពលរដ្ឋក៏បានហៅរថយន្តសង្គ្រោះបញ្ជូនជនរងគ្រោះទៅកាន់មន្ទីរពេទ្យភ្លាមភ្លាមផងដែរ ចំណែកអ្នកបើកបររថយន្តម្ខាងទៀតបានរត់គេចខ្លួនបាត់ស្រមោលដោយបន្សល់ទុករថយន្តនៅកន្លែងកើតហេតុ ។
ក្រោយកើតហេតុសម្ថកិច្ចបានធ្វើការវាស់វែងសម្រួលក៉ំឲ្យមានការកកស្ទះ និង យករថយន្តទៅរក្សាទុក្ខអធិការដ្ឋានស្រុកកំពង់ស្វាយរងចាំភាគីសងខាងធ្វេីការដោះស្រាយតាមច្បាប់ ៕ ដោយ:បញ្ញាស័ក្តិ
