រាជធានីភ្នំពេញ ៖ និស្សិតសកលវិទ្យាល័យផារ៉ាហ្គនម្នាក់ជិត បញ្ចប់ថ្នាក់បរិញ្ញាបត្រត្រូវបានរថយន្តបុកផ្តាច់ជីវិត ក្នុងហេតុការណ៍គ្រោះថ្នាក់ចរាចរ កាលពីម៉ោង១និង៣០នាទីរសៀលថ្ងៃទី២៦ ខែមីនា ឆ្នាំ២០១៩ ស្ថិតនៅផ្លូវ ៣១៧ កែងនិងផ្លូវ៥២៨សង្កាត់បឹងកក់ទី១ខណ្ឌទួលគោករាជធានីភ្នំពេញ។
យុវតីរងគ្រោះមានឈ្មោះឌុមរីដាអាយុ២៣ឆ្នាំ ស្នាក់នៅបន្ទប់ជួលសង្កាតស្ទឹងមានជ័យខណ្ឌមានជ័យ។នៅ មុនពេលកើតហេតុយុវតីដែលរងគ្រោះ បានជិះម៉ូតូមួយគ្រឿងម៉ាកគុបជ្រុងពណ៍ទឹកប៊ិចពាក់ស្លាកលេខកណ្តាល1J-5254 ធ្វើដំណើរពីទិសដៅពីលិចទៅកើត លុះដល់ចំណុចកើតហេតុផ្លូវបំបែកជាបួន ក៏មានរថយន្តម៉ាករ៉ែងរ៉ូវ័រពណ៌ខ្មៅពាក់2-AF-7777 បើកបរពីជើងទៅត្បូង ក្នុងល្បឿនយ៉ាងលឿនៅ បានបោះពួយបុកចំយុវតី ពេញទំហឹងខ្ទាតបោកទៅនឹងរបងថ្មបណ្តាលឲ្យស្លាប់ភ្លាមៗនៅនិងកន្លែងកើតហេតុ ហើយរថយន្តបានព្យាយាម បើករត់គេចចេញបាត់ពីកន្លែងកើតហេតុ។
ក្រោយពេលកើតហេតុសមត្ថកិច្ចនគរបាលចរាចរណ៏ខណ្ឌទួលគោកសហការណ៏ជាមួយចរាចរណ៏ក្រុងបានចុះមកធ្វើការវាស់វែងនៅកន្លែងកើតហេតុ និងស្រាវ ជ្រាវរករថយន្តបង្ក ដែលថតជាប់តាមរយ:កាមេរ៉ាសុវត្ថិភាព។
ចំណែកលើបណ្តាញសង្គម បានបញ្ចេញមតិថ្កោលទោស ចំពោះរថយន្តបង្ក ថា នេះជារថយន្ត របស់អ្នកបើកបរដ៏សែនឈ្លើយ អ្នកបើកបរដែលប្រមាថជីវិតអ្នកដទៃ អ្នកបើកបរដែលជាឃាតករ សំលាប់ជីវិតបញ្ញវ័ន្តមួយរូបរបស់ជាតិ ឆក់យកជីវិតកូនស្រី បងប្អូនស្រី មិត្តភក្តិជាទីស្រឡាញ់របស់គេយ៉ាងព្រៃផ្សៃបំផុត រដ្ឋាភិបាល និងមន្ត្រីដែលពាក់ព័ន្ធ មិនអាចបណ្តោយអោយអ្នកបើកបររូបនេះរួចខ្លួន ឬត្រឹមសងជាសំណងឡើយ។ ទោះខ្ញុំមិនមែនសាច់ញាតិជនរងគ្រោះ តែខ្ញុំពិតជារន្ធត់ និងខ្លោចចិត្តអានិតបងស្រីរងគ្រោះជាពន់ពេក ពេលបានមើលវីដេអូនោះហើយ ៕ ដោយ ៖ បញ្ញាស័ក្តិ
