បន្ទាយមានជ័យ ៖ កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តបន្ទាយមានជ័យ ចាប់ក្រុមជនសង្ស័យ៤នាក់ជួញដូរថ្នាំញៀនប្រភេទមេតំហ្វេតាមីនគ្រាប់ចំនួន៣.៩៦៧ និងម៉ាទឹកកកចំនួន១កញ្ចប់ធំ កាលពី ថ្ងៃទី២៨ ខែមីនា ឆ្នាំ២០១៩ នៅស្រុកម៉ាឡៃ ខេត្ត បន្ទាយមានជ័យ ។
នាយការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តបន្ទាយមានជ័យ លោក ង៉េង សុជា បានឲ្យដឹង នៅ ថ្ងៃទី ២៩ ខែ មីនា ឆ្នាំ ២០១៩ ថា កម្លាំងជំនាញបានសហការជាមួយកម្លាំងអធិការនគរបាលស្រុកម៉ាឡៃ បើកការស្រាវជ្រាវទើបឈានដល់ការបង្ក្រាបបទល្មើសគ្រឿងញៀនទ្រង់ទ្រាយធំមួយនេះ ។
ក្រោយសួរនាំជនសង្ស័យប្រុសស្រីទាំងនេះ រួមជាមួយវត្ថុតាង នឹងត្រូវបញ្ជូនទៅតុលារដើម្បីចាត់ការបន្តតាមផ្លូវច្បាប់៕ ដោយ ៖ កូឡាប
