ខេត្តបន្ទាយមានជ័យ៖ តាមព័ត៌មានបឋម នៅថ្ងៃទី២៩ ខែមីនា ឆ្នាំ២០១៩ វេលាម៉ោង១១ និង២០នាទី មានករណីផ្ទុះគ្រាប់ (មិនស្គាល់ប្រភេទ) ត្រង់ចំណុចគោកអាឡោកខាងលិចឈាងខាងត្បូង ភូមិខ្វាវលិច ឃុំស្វាយចេក ស្រុកស្វាយចេក បន្ទាយមានជ័យ ។
អាជ្ញាធរមីនកម្ពុជាបានឲ្យដឹងថា ជនរងគ្រោះទី១ ឈ្មោះ នឹម ថួត (ប្តី) ភេទប្រុស អាយុ១៧ ឆ្នាំ រស់នៅភូមិឃុំកើតហេតុខាងលើ ជនរងគ្រោះទី២ ឈ្មោះ ភា ផាន (ប្រពន្ធ) ភេទស្រី អាយុ ២០ឆ្នាំ បានបណ្តាលឲ្យរងរបួសធ្ងន់ទាំងពីរនាក់ប្តីប្រពន្ធ។ ហេតុការណ៍នេះកើតឡើងដោយសារជនរងគ្រោះដើរបេះបន្លែត្រង់ចំណុចកើតហេតុ ក៏បានប្រទះឃើញគ្រាប់យុទ្ធភ័ណ្ឌមិនទាន់ផ្ទុះ (មិនស្គាល់ប្រភេទ) ហើយក៏បានរើសយកបោះទៅលើគល់ឈើបណ្តាលឲ្យគ្រាប់ផ្ទុះឡើង។ បច្ចុប្បន្ន ជនរងគ្រោះត្រូវបានបញ្ជូនទៅព្យាបាលបន្ទាន់នៅមន្ទីរពេទ្យបង្អែកកម្ពុជា-ជប៉ុន ស្រុកមង្គលបូរី ៕ ដោយ:កូឡាប
