ខេត្ដកំពង់ស្ពឺ ៖ មាមានករណីគ្រោះថ្នាក់ចរាចរក្រឡាប់រថយន្ត មួយគ្រឿង ម៉ាក TOYOTA សេរីយូឆ្នាំ ស្លាកលេខ កំពង់ចាម 2A-0925 នៅចំណុចបឹងស្រែភូមិកំណប់ សង្កាត់ស្វាយក្រវ៉ាន់ ក្រុងច្បារមន ខេត្ដកំពង់ស្ពឺ វេលាម៉ោង ១៤.៤២នាទី ថៃ្ងទី០២ ខែមេសា ឆ្នាំ២០១៩។ រថយន្តនេះគឺដឹកទំនិញដើរលក់តាមភូមិ មុនកើតហេតុគេឃើញរថយន្ដខាងលើបើកបរពីជើងទៅត្បូងលុះមកដល់ចំណុចកើតហេតុ បានរេចង្កូតប៉ះបង្គោលរបាំងផ្លូវក្បែរស្ពាន រួចធ្លាក់ទៅខាងឆ្វេងដៃ ចូលបឹងស្រែតែម្ដង។
ក្នក្នុងហេតុការណ៍គ្រោះថ្នាក់ចរាចរក្រឡាប់រថយន្តនេះមិនបណ្តាលឲ្យមនុស្សស្លាប់បាត់បង់ជីវិតនោះទេ ដោយសារតែរថយន្ដក្រឡាប់ទៅធ្វើឲ្យតៃកុងរថយន្តខ្ទាតចេញក្រៅ តាមការបញ្ជាក់ពីនគរបាលចរាចរណ៍បានអោយដឹងថាម្ចាស់រថយន្ដមានឈ្មោះ សៅ ស៊ីណា ភេទប្រុស អាយុ ២២ឆ្នាំ មានទីលំនៅភូមិស្នោរទី១ សង្កាត់រការធំ ក្រុងច្បារមន មុខរបរ ដឹកទំនិញដើរលក់ ក្រោយហេតុការណ៍គ្រោះថ្នាក់ តំណាងមន្ទីរសាធារណៈបានចុះមកពិនិត្យបង្គោលខូចខាតឃើញចំនួន ០៣ដើម ហើយបានធ្វើការសម្របសម្រួលដោះស្រាយបញ្ចប់ មិនមានការបញ្ជូនទៅស្ថាប័នណាបន្ដទេ ដោយម្ចាស់រថយន្ដសុំយករថយន្ដទៅធ្វើការជួសជុសដោយខ្លួនឯង ៕ ដោយ ៖ កូឡាប
