ខេត្តស្វាយរៀង ៖ យុវជនម្នាក់បានស្លាប់ភ្លាមៗនៅនឹងកន្លែងកើតហេតុដោយសារបើកម៉ូតូលឿនពេក បែកកង់មុខជ្រុលរបងផ្ទះគេនិងគល់ឬស្សីបាក់ឆ្អឹងកចេញមកក្រៅស្លាប់យ៉ាងអាណោចអធ័ម។ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១០និង៣៥នាទីថ្ងៃទី០៧ ខែមេសា ឆ្នាំ២០១៩ នៅលើផ្លូវក្រាលកៅស៊ូស្ថិតក្នុងភូមិកក់ ឃុំស្វាយរំពារ ស្រុកស្វាយទាប ខេត្តស្វាយរៀង។
សមត្ថកិច្ចបានអោយដឹងថា ៖ នៅមុនពេលកើតហេតុគេឃើញយុវជនម្នាក់ជិះម៉ូតូមួយគ្រឿងម៉ាកវ៉េវ ពណ៌ខ្មៅ ស្លាកលេខ(គ្មាន)បើកបរដោយឈ្មោះ សោម មេត ភេទប្រុស អាយុ២៥ឆ្នាំ មុខរបរកម្មកររោងចក្រ រស់នៅភូមិ ត្រពាំងថ្កូវ ឃុំពងទឹក ស្រុករំដួល ខេត្តស្វាយរៀង បើកបរពីកើតទៅលិច លុះមកដល់កន្លែងកើតហេតុខាងលើ ស្រាប់តែម៉ូតូបែកកង់ជើងមុខបណ្តាលអោយដួលចូលរបងផ្ទះប្រជាពលរដ្ឋនិងបុកគាល់ឬស្សីធ្លុះឆ្អឹងករចេញមកក្រៅបណ្តាលអោយស្លាប់នៅនិងកន្លែងតែ។ ក្រោយពីកើតហេតុសមត្ថកិច្ចចុះពិនិត្យនិងប្រគល់សពអោយទៅខាងក្រុមគ្រួសារយកទៅធ្វើបុណ្យតាមប្រពៃណី ៕
មូលហេតុ ៖ បើកបរលឿនហើយបែកកង់ម៉ូតូ ៕ ដោយ ៖ វ៉ៃកូ
