បន្ទាយមានជ័យ ៖ គម្រោងកសាងភាពធន់នៅទីប្រជុំជននៃក្រុងសិរីសោភ័ណ តើស្រង់បទពិសោធន៍អ្វីខ្លះបន្ទាប់ពីបញ្ចប់ការអនុវត្ត១៦ ខែកន្លងមកនេះ?
ខាងក្រោមជាការចូលរួមកំណត់ទស្សនាទានដែលស្រង់ជាបទពិសោធន៍ការអនុវត្តន៍នេះ របស់មន្ត្រីកាកបាទក្រហមកម្ពុជាមកពីសាខាខេត្ត អនុសាខាស្រុកក្រុង និងសមាសភាពមកពីអាជ្ញាធរដែនដី សមត្ថកិច្ចស៊ីវិល កងកម្លាំងប្រដាប់អាវុធ អង្គការដៃគូអភិវឌ្ឍន៍និងពលរដ្ឋតំណាងនៅខេត្តបន្ទាយមានជ័យព្រមទាំងមន្ត្រីកាកបាទក្រហមហ្វាំងឡង់ ។
លោក អឹង ឡៃហេង មន្ត្រីបច្ចេកទេសគម្រោងកសាងភាពធន់នៅទីប្រជុំជននៃកាកបាទក្រហមកម្ពុជានិយាយថា ៖ គោលំណងនៃសិក្ខាសាលានេះ រួមមាន:ទី១- ដើម្បីអោយមានការយល់ដឹងរួមគ្នាលើការអនុវត្តល្អនិងបញ្ហាប្រឈមក្នុងការអនុវត្តគម្រោងដែលគាំទ្រដោយអេកូ(ECHO) /IFRC នៅក្រុងសិរីសោភ័ណនាឆ្នាំ២០១៦-១៧កន្លងមក។ ទី២- ពិគ្រោះយោបល់និងយល់ព្រមលើគំនិតផ្តួចផ្តើមអភិរក្សតាមរយ:ផែនការដែលអាចអនុវត្តបាន។ ទី-ស្វែងរកការគាំទ្រអោយមានការចូលរួមចំណែក និងការគាំទ្រភាពជាអ្នកដឹកនាំរបស់កាកបាទក្រហមកម្ពុជា។
លោក ហ្វាន់ ដានីញ៉ែល រ៉ីយ៍( Mr Juan Daniel Reyes) តំណាងប្រតិភូកាកបាទក្រហមហ្វាំងឡង់ថ្លែងថា ៖ គម្រោងកសាងភាពធន់នៅទីប្រជុំជនដែលអនុវត្តនៅក្រុងមួយចំនួន រួមទាំងនៅក្រុងសិរីសោភ័ណ ខេត្តបន្ទាយមានជ័យ ដែលអនុវត្តជិត២ឆ្នាំមកនេះ បានទទួលផលប្រយោជន៍និងជោគជ័យ ដល់គោលដៅពលរដ្ឋ និងអ្នកពាក់ព័ន្ធ។
លោកហ្វាន់ ថ្លែងបន្តថា ៖ កិច្ចអន្តរាគមន៍នេះផ្តោតលើការពង្រឹងភាពធន់មាំ និងសកម្មភាពបង្ការបស់សហគមន៍ងាយរងគ្រោះនៅទីប្រជុំជនដែលងាយនឹងទទួលរងការជន់លិចឡើងវិញ។ ឯវិធីសាស្ត្រនេះផ្តោតលើសាលារៀន និងតួនាទី ក្នុងសហគមន៍រស់នៅដូចជាបរិស្ថាន សុវត្ថិភាពសម្រាប់កុមារ យុវជន។
លោក លី សារី អភិបាលរងខេត្តបន្ទាយមានជ័យនិងជាប្រធានគណ:កម្មាធិការសាខាកាកបាទក្រហមកម្ពុជាខេត្តបន្ទាយមានជ័យនិយាយថា ៖ គម្រោងកសាងភាពធន់នៅទីប្រជុំជននេះ ជាគម្រោងដំបូងនៅខេត្តបន្ទាយមានជ័យ តែយោងការអនុវត្តជាង១៦ខែកន្លងមក គេស្រង់បទពិសោធន៍ជាច្រើនដូចជា ទី១- កុមារនិងយុវជនមានភាពធន់នឹងមាំនឹងគ្រោះមហន្តរាយ និងមានបរិយាកាសរៀនសូត្រដោយសុវត្ថិភាពក្នុងសាលារដ្ឋចំនួន៣នាទី ប្រជុំជនក្រុងសិរីសោភ័ណ និងការត្រៀមបង្ការកាន់តែប្រសើរឡើង និងការផ្លាស់ប្តូរឥរិយាបថសង្គមនៅសហគមន៍ជនបទ៦នៃក្រុង។ បង្កើនសមត្ថភាពមន្ត្រីអាជ្ញាធរ សមត្ថកិច្ចមូលដ្ឋាន និងកាកបាទក្រហមសម្រាប់ការត្រៀមបង្ការគ្រោះមហន្តរាយ និងឆ្លើយតបនៅទីប្រជុំជនកុំអោយប្រឈមនឹងគ្រោះថ្នាក់។
លោក លី សារី និយយាបន្តថា៖ ទីតាំងអនុវត្តគម្រោងនោះរួមមាន សាលារៀន ៣កន្លែង រួមមាន :វិទ្យាល័យសម្តេចឱ,វិទ្យាល័យសម្តេចក្រុមព្រះ អូរអំបិល,វិទ្យាល័យសិរីសោភ័ណ។និងសហគមន៍ចំនួន៦រួមមាន នៅភូមិព្រែឬស្សី ព្រះពន្លានិងក្បាលស្ពានសង្កាត់ព្រះពន្លា, ភូមិសែសិន គោរដ្ឋាន និងអូរអំបិល សង្កាត់អូរអំបិល៕ ដោយ ៖ បន្ទាយ
