ឃាត់ខ្លួនជនសង្ស័យម្នាក់ ពាក់ពន្ធ័ករណី អំពើលួចម៉ូតូ ក្នុងក្រុងសៀមរាប

ក្រុងសៀមរាប ៖ នគរបាលព្រហ្មទណ្ឌនៃអធិការដ្ឋាននគរបាលក្រុងសៀមរាប នៅថ្ងៃទ១៦មេសានេះ បានឲ្យដឹងថា កាលពីថ្ងៃទី១២ខែមេសា ឆ្នាំ ២០១៩ វេលាម៉ោង១៩:៥០នាទីនៅភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប មានករណីអំពើលួច(លួចម៉ូតូ) បង្កឡើងដោយជនសង្ស័យម្នាក់ បានធ្វើសកម្មភាពលួចម៉ូតូរបស់ជនរងគ្រោះ ឈ្មោះ វ.ស.វ.ណ.រ ភេទប្រុស អាយុ២៤ឆ្នាំរស់នៅ នៅភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។

ម៉ូតូដែលជនសង្ស័យធ្វើសកម្មភាពលួចយក ម៉ាកSuzuki Smah Vពណ៌ខ្មៅ សេរីឆ្នាំ២០១៤ ពាក់ផ្លាកលេខកំពង់ធំ 1L-6078 លេខតួលេខម៉ាស៊ីន២០០៨៩៨ រួចជិះគេចខ្លួន។

បន្ទាប់មកជនរងគ្រោះក៏ស្វែងរកម៉ូតូរបស់ខ្លួន ហើយប្រទះឃើញជនសង្ស័យកំពុងតែជិះ ក៏រាយការណ៍មកកម្លាំងនគរបាលនៃអធិការដ្ឋាននគរបាលក្រុងសៀមរាប ដែលកំពុងនៅតាមគោលដៅ ឲជួយអន្តរាគមន៍ឃាត់ខ្លួនបាន ភ្លាមៗនាំមកធ្វើការសាកសួរ។

យោងតាមការសាកសួររបស់ នគរបាលផ្នែកព្រហ្មទណ្ឌនៃអធិការដ្ឋាននគរបាលក្រុងសៀមរាប បានអោយដឹងថា ជនសង្ស័យ ឈ្មោះវី ដាវីន ភេទប្រុស អាយុ២៧ឆ្នាំរស់ នៅភូមិស្រែស្ពៃ ឃុំកងជ័យស្រុកអូររាំងឪ ខេត្តកំពង់ចាម ពាក់និងករណីអំពើលួច(លួចម៉ូតូ)។

ក្រោយពេលសួរនាំជនសង្ស័យ បានសារភាពថាខ្លួនពិតជាបានប្រព្រឹត្តិដូចជនរងគ្រោះប្តឹងចោទប្រកាន់មែន។

យោងតាមពាក្យបណ្ដឹងរបស់ជនរងគ្រោះនិងចម្លើយសារភាព ជនសង្ស័យនិងវត្ថុតាង ត្រូវបាននគរបាលព្រហ្មទណ្ឌនៃអធិការដ្ឋាននគរបាលក្រុងសៀមរាបកសាងសំណុំរឿងបញ្ជូនទៅតុលាការដើម្បីចាត់ការ តាមនិតិវិធីច្បាប់ ៕ ដោយ ៖ បញ្ញាស័ក្តិ