ខេត្តស្វាយរៀង ៖ យោងតាមអាខោន facebook ដែលមានឈ្មោះ sor sineth បានសរសេរថាបងប្អូនអើយបុរសម្នាក់បានស្លាប់ដោយសារសត្វឆ្មាខាំ(រយៈពេលមួយអាទិត្យ)នៅភូមិ ត្រពាំងស្គន់ថ្មី ឃុំ ត្រពាំងស្តៅ ស្រុក រមាសហែក ខេត្ត ស្វាយរៀង។គាត់មានអាការះក្តៅខ្លួនមួយយប់ លុះព្រឹកឡើងយកទៅពេទ្យក៏ស្លាប់នៅមុខផ្ទះខ្ញុំថ្ងៃទី១៧ខែមេសាឆ្នាំ២០១៩នេះ។
នៅរសៀលថ្ងៃទី១៧ ខែមេសា ឆ្នាំ២០១៩នេះ ក្រុមការងារអ្នកសារព័ត៍ចុះយកព័ត៌មានដល់លំនៅដ្ឋានសពរងគ្រោះដើម្បីអោយដឹងការពិតថាវាជារឿងពិតឬមួយយ៉ាងណានោះ។
បើតាមលោកស្រីឈ្មោះ ហែម សុីនួន អាយុ៣៦ឆ្នាំរស់នៅភូមិ ត្រពាំងស្គន់ថ្មី ឃុំ ត្រពាំងស្តៅ ស្រុក រមាសហែក ខេត្តស្វាយរៀងត្រូវជាប្រពន្ធបានប្រាប់ឱ្យដឹងថាៈថា៖កាលពីថ្ងៃទី១២ ខែមេសា ឆ្នាំ២០១៩ប្តីរបស់គាត់ត្រូវបានសត្វឆ្មាខាំចំដៃខណះដែលទៅលេងផ្ទះម្តាយគាត់ហើយក្រុមគ្រួសារ និងអាជ្ញាធរមានសមត្ថកិច្ចបានជម្រុញឲ្យគាត់ទៅជួបក្រុមគ្រូពេទ្យពិគ្រោះយោបល់ ប៉ុន្តែគាត់ពុំព្រមទៅជួបពេទ្យនោះទេសូមបញ្ជាក់ផងដែរថា ករណីខាងលើនេះមានជួយចេញថ្លៃសេវាព្យាបាល តែគាត់នៅតែពុំព្រមទៅជួបគ្រួពេទ្យ។
បុរសរងគ្រោះមានឈ្មោះ ពៅ មល់ ភេទប្រុស អាយុ៣២ឆ្នាំ រស់នៅភូមិត្រពាំងស្គន់ថ្មី ឃុំត្រពាំងស្តៅ ស្រុករមាសហែក ខេត្តស្វាយរៀង។
យោងតាមលោក ស៊ូ មុល អភិបាលរងស្រុករមាសហែកបានឱ្យដឹងថាៈ នៅថ្ងៃទី១៦ ខែមេសា ឆ្នាំ២០១៩ មានករណីឆ្មាខាំក្មេងស្រីម្នាក់ទៀត ឈ្មោះ សំ រស្មី ភេទស្រីអាយុ១៣ឆ្នាំ រស់នៅភូមិត្រពាំងឈ្នាង ឃុំត្រពាំងស្តៅ ស្រុករមាសហែក ខេត្តស្វាយរៀង ករណីខាងលើនេះលោក ស៊ូ ម៉ុល បានឲ្យអាណាព្យាបាលយកទៅពេទ្យជាបន្ទាន់ ដើម្បីទប់ស្កាត់ និងចាក់ថ្នាំបង្ការ ។បច្ចុប្បន្នក្មេងស្រីខាងលើ មិនទាន់មានអាការៈអ្វីនោះទេ លេខទូរស័ព្ទគ្រួសារ ក្មេងស្រី ០៨៨ ៤៣២៥៩៧៧ ៕ ដោយ ៖ វ៉ៃកូ
