ខេត្តស្វាយរៀង ៖ លោក ម៉ែន វិបុល អភិបាលខេត្តស្វាយរៀង នៅថ្ងៃទី៣ ខែឧសភា ឆ្នាំ២០១៩ បានចុះពិនិត្យមើលស្ថានភាព និងវឌ្ឍនភាពនៃការអភិវឌ្ឍនៅតាមព្រំដែន នៅក្រុងបាវិត។ពិធីនេះក៏មានការចូលរួមពីមន្ត្រីដែលពាក់ពន្ធ័ជាច្រើនរូបផងដែរ។
ឱកាសនោះលោកអភិបាលខេត្តបានចុះពិនិត្យមើលការសាងសង់ផ្លូវវាងសម្រាប់ឡានកុងទ័រ ដើម្បីជំរុញ និងពន្លឿនការដោះស្រាយផលប៉ះជាមួយប្រជាពលរដ្ឋដែលនៅសេសសល់ ។និងពិនិត្យមើលដំណើរការសាងសង់ផ្លូវក្រវាត់ព្រំដែន នៅចំណុចបង្គោលព្រំដែនលេខ ១៦៩ ។ក្នុងនោះក៏បានចុះពិនិត្យមើលទីតាំងដីសម្រាប់សាងសង់អាងចម្រោះទឹកកង្វក់នៅក្នុងក្រុងបាវិត ដែលជាគម្រោងគាំទ្រដោយធនាគារអភិវឌ្ឍន៍អាស៊ី (ADB) ។
ជាមួយនេះ លោកអភិបាលខេត្ត និងប្រតិភូអមដំណើរ ក៏បានអញ្ជើញទៅពិនិត្យទីតាំងសាលាសង្កាត់បាវិត ដែលនឹងមានគម្រោងក្នុងការស្ថាបនា និងកែលម្អអគារសាលាសង្កាត់នៅពេលខាងមុខ ផងដែរ ៕ ដោយ ៖ វ៉ៃកូ
