សិស្សយ៉ាងហោចណាស់ចំនួន ១៧នាក់ បានស្លាប់បាត់បង់ជីវិត បន្ទាប់ពីអគ្គិភ័យបានឆាបឆេះថ្នាក់រៀនរបស់ពួកគេនៅក្នុងប្រទេសឥណ្ឌា។ នេះបើតាមការបញ្ជាក់របស់មន្ត្រីឥណ្ឌា។
សិស្សជាច្រើនត្រូវបានគេឃើញលោតចេញពីអាគារសិក្សាឈ្នួលមួយកន្លែង ក្រោយពេលភ្លើងឆាប់ឆេះ និងមានផ្សែងខ្មៅយ៉ាងក្រាស់។ គ្រោះអកុសល់នេះកើតឡើងក្នុងទីក្រុង Surat នៃរដ្ឋ Gujarat។
ជនរងគ្រោះភាគច្រើនជាក្មេងជំទង់។ សិស្សទាំងអស់បានស្លាប់ដោយសារភ្លើងឆេះ និងដោយសារតែការលោតចេញពីអាគារ។
សិស្សយ៉ាងតិចណាស់ ២០នាក់ផ្សេងទៀត បានរងរបួសធ្ងន់ និងកំពុងត្រូវបានគេព្យាបាលនៅក្នុងមន្ទីរពេទ្យ។
មូលហេតុដែលបណ្តាលឲ្យមានអគ្គិភ័យនោះ មិនទាន់ត្រូវបានគេដឹងច្បាស់នៅឡើយទេ ប៉ុន្តែមន្ត្រីឥណ្ឌាបញ្ជាក់ថា ភ្លើងបានរាលដាលចូលទៅក្នុងថ្នាក់រៀនតាមដំបូល ។
នាយករដ្ឋមន្ត្រីឥណ្ឌាលោក Narendra Modi បានផ្ញើសាររំលែកទៅដល់ក្រុមគ្រួសារជនរងគ្រោះ ។
អាជ្ញាធរឥណ្ឌាកំពុងធ្វើការស៊ើបអង្កេត ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
