ព្រៃវែង៖ យុវតីម្នាក់បានស្លាប់ភ្លាមៗ បន្ទាប់ពីនាងបានលេងទូរស័ព្ទកំពុងសាកថ្ម ។ ហេតុការណ៍នេះបានកើតឡើងកាលពីវេលាម៉ោង៩និង១៥នាទី ថ្ងៃទី០៥ ខែមិថុនា ឆ្នាំ២០១៩ នៅចំណុចភូមិក្បាលបឹង ឃុំអំពិលក្រៅ ស្រុកស៊ីធរកណ្តាល។ យុវតីរងគ្រោះ មានឈ្មោះធី ស្រីពេជ្រ ភេទស្រី អាយុ១៧ឆ្នាំ ជនជាតិខ្មែរ រស់នៅភូមិ.ឃុំខាងលើ។
ប្រភពពីអ្នកជិតខាង បានឲ្យដឹងថា មុនពេលកើតហេតុ យុវតីរងគ្រោះបានគេងនៅលើគ្រែក្រោមផ្ទះ ដោយបានចុចទូស័ព្ទលេងផងដែរ។ ពេលនោះស្រាប់តែផ្ទុះឆក់ ធ្វើឲ្យយុវតីរងគ្រោះប្រកាច់ស្លាប់ភ្លាមៗ ហូរឈាមតាមមាត់ ។ ភ្លាមនោះ ប្រជាពលរដ្ឋបានរាយការណ៍ប្រាប់សមត្ថកិច្ចចុះមកពិនិត្យ។
ក្រោយពីទទួលបានដំណឹង សមត្ថកិច្ចបានចុះមកដល់ផ្ទះកើតហេតុ ហើយបានពិនិត្យ និងធ្វើកោសល្យវិច័យសាកសព ហើយបានបញ្ជាក់ថា យយុវតីរងគ្រោះបានបញ្ជូលថ្មទូរស័ព្ទដោតនឹងព្រីភ្លើង ហើយលេងទូរស័ព្ទ សាកបណ្តើរនិងលេងបណ្តើរ បណ្តាលឱ្យឆ្លងចរន្តភ្លើង ហើយក៏ឆក់ស្លាប់នៅលើផ្ទះរបស់ខ្លួនឯង៕ ដោយ៖បញ្ញាស័ក្តិ
