កំពង់ឆ្នាំង ៖ នាថ្ងៃទី៩ ខែ មិថុនា ឆ្នាំ ២០១៩ វេលាម៉ោង ១៥និង៣០នាទី នៅលើផ្លូវលំក្រាលគ្រួសក្រហម ត្រង់ចំណុចមុខផ្ទះឈ្មោះ យាយរុន ក្នុងភូមិសាស្ត្រភូមិកោះខ្ទុម ឃុំជៀប ស្រុកទឹកផុស ខេត្តកំពង់ឆ្នាំង មានករណីគ្រោះថ្នាក់ចរាចរណ៍រវាងម៉ូតូម៉ាក HONDA C125 ពណ៌ខ្មៅ ពាក់ផ្លាកលេខ កំពង់ឆ្នាំង 1B-5187 បើកបរដោយឈ្មោះ ជន ផល្លា ភេទប្រុស អាយុ ២៤ ឆ្នាំ រស់នៅភូមិស្រែព្រិច ឃុំអភិវឌ្ឍន៍ ស្រុកទឹកផុស ខេត្តកំពង់ឆ្នាំង ក៏បានបុកជាមួយម៉ូតូ ០១ គ្រឿងម៉ាក HONDA C125 ពណ៌ខ្មៅ ពាក់ផ្លាកលេខ បាត់ដំបង 1A-7754 បើកបរដោយឈ្មោះ សួង រ៉ុម ភេទ ប្រុស អាយុ ២០ ឆ្នាំ រស់នៅភូមិកោះខ្ទុម ឃុំជៀប ស្រុកទឹកផុស ខេត្តកំពង់ឆ្នាំង។
ដោយមានអ្នករួមដំណើរ ០១ នាក់ ឈ្មោះ វ៉ែន សុភាស់ ភេទប្រុស អាយុ ២៣ ឆ្នាំ រស់នៅភូមិជាមួយអ្នកបើកបរម៉ូតូ ក្នុងដំណើរច្រាស់ទិសគ្នា ហើយម៉ូតូនោះ ក៏បានជំរុលល្បឿនទៅបុកអ្នកថ្មើរជើង ០១នាក់ឈ្មោះ អោ បឿន ភេទប្រុស អាយុ ៦២ ឆ្នាំ រស់នៅភូមិកោះខ្ទុម ឃុំជៀប ស្រុកទឹកផុស ខេត្តកំពង់ឆ្នាំង បណ្តាលអោយស្លាប់មនុស្ស ០២ នាក់ប្រុស (អ្នកបើកបរ ០១ នាក់ ឈ្មោះ សួង រ៉ុម និងអ្នករួមដំណើរ ០១នាក់ឈ្មោះ ជន ផល្លា) រងរបួស ០២នាក់ធ្ងន់ប្រុស អ្នកបើកបរ ០១នាក់ និងអ្នកថ្មើជើង ០១នាក់ ខូចខាតម៉ូតូ ០២គ្រឿងធ្ងន់។
កម្លាំងបានចាប់យកមករក្សាទុកនៅអធិការដ្ឋាននគរបាលស្រុកទឹកផុស ដើម្បីកសាងសំណុំរឿងចាត់ការទៅតាម នីតិវិធីច្បាប់៕ ដោយ ៖ កូឡាប
