Zeng បានត្រូវចោទប្រកាន់សម្លាប់ពូខាងប្រពន្ធឈ្មោះ លោក Chai កាលពីឆ្នាំ ២០០៥ ជុំវិញជម្លោះលុយ ៥០០យាន់ Zeng បានចាក់សម្លាប់លោក Chai។
បន្ទាប់មក Zeng បានគេចចេញពីផ្ទះរបស់ខ្លួននៅទីក្រុង Hangzhou ខេត្តជឺជាំង។ វាបានប្តូរឈ្មោះជា Wang Gui រួចប្រកបរបរជាស្មូម។ ក្នុងអំឡុងពេលនេះវាបានដាក់ខ្លួនធ្វើជាគរ។
ក្រោយមក Zeng បានបន្តទៅរស់នៅភូមិមួយនៅខេត្ត An Huy ចម្ងាយប្រមាណ ៧០០គីឡូម៉ែត្រ ភាគខាងជើង ដោយធ្វើជាកម្មករសំណង់ រួចក៏ត្រូវបានម្តាយឧទ្ទេសនាមនារីម្នាក់ឲ្យរៀបការ។ អ្នកទាំងពីរមានកូនម្នាក់ ប៉ុន្តែ Zeng ពុំដែលនិយាយសូម្បីមួយម៉ាត់។
នៅពេលដែលប៉ូលិសធ្វើស្ថិតិគ្រួសារតាមភូមិនាដើមឆ្នាំនេះ ក៏រកឃើញថា Zeng ពុំមានលិខិតស្នាមផ្ទាល់ខ្លួន។ ហេតុនេះ ពួកគេបានយកឈាម ហើយក្រោយពីការត្រួតពិនិត្យ ADN ក៏សន្និដ្ឋានដឹងពីការពិត Zeng ត្រូវបានចាប់ខ្លួនភ្លាមពីបទសម្លាប់មនុស្ស។
ដោយសារខ្សែសំឡេង “ត្រូវបានបោះបង់ចោល” ធ្វើឲ្យវាខូចបាត់ទៅហើយ។ ដូច្នេះប៉ូលិសបង្គាប់ឲ្យ Zeng សរសេរចម្លើយលើក្រដាស។ ពេលត្រូវបានសួរថា ហេតុអ្វីបែរជាធ្វើមនុស្សគយូរយ៉ាងនេះ Zeng សរសេរថា “ខ្ញុំមិននិយាយ ព្រោះវានឹងមានឱកាសបែកការណ៍បាន”។
Zeng អាចប្រឈមមុខនឹងទោសខ្ពស់បំផុតសម្រាប់ទោសសម្លាប់មនុស្ស៕ ចន្ទ្រា
