កំពង់ស្ពឺ ៖ កំលាំងនគរបាលស្រុកបរសេដ្ឋ សហការជាមួយកំលាំងនគរបាលស្រុកភ្នំស្រួច ស្រាវជ្រាវឃាត់ខ្លួនមុខសញ្ញាលួចម៉ូតូ Honda Dream C125cc រយៈពេល៤៧ម៉ោង ឃឃាត់ខ្លួនបានបញ្ជូនមកឲ្យការិយាល័យព្រហ្មទណ្ឌកំរិតស្រាល ចាត់ការតាមនិតិវិធី ។
ស្នងការដ្ឋាននគរបាលខេត្តកំពង់ស្ពឺ នៅថ្ងៃទី១៦មិថុនា បានឲ្យដឹងថា កាលពីថៃ្ងទី១៥ ខែមិថុនា ឆ្នាំ២០១៩មានករណី ចោរកម្ម “លួចម៉ូតូ”មួយគ្រឿង ម៉ាក Honda Dream C125cc ពណ៏ខ្មៅសេរី ២០១៦ លេខតួ,ម៉ាស៊ីន 9566 955ផ្លាកលេខ ភព1DE 4292 ម្ចាស់ឈ្មោះ គីម សម្បត្តិ ប្រុស អាយុ48 ឆ្នាំរស់នៅភូមិរការធំ ឃុំកាត់ភ្លុក ស្រុកបរសេដ្ឋ(ចាក់សោរទុកក្រោមផ្ទះត្រឡប់មកពីបុណ្យបច្ច័យបួនអ្នកភូមិ) ត្រូវជនមិនស្គាល់អត្តសញ្ញាណបានលួចយកទៅបាត់ ពេលភ្ញាក់ពេលខ្លួនទេីបដឹងថាបាត់ម៉ូតូ នៅវេលាម៉ោង០២និង២០នាទី រំលងអាធ្រាត។
លុះព្រឹកឡេីងម្ចាស់ប្ដឹងសមត្ថកិច្ចជួយរក ក្រោយប្រតិបត្ដិការស្រាវជ្រាវនិងបានសហការជាមួយអធិការស្រុកភ្នំស្រួច ខាងនគរបាលស្រុកភ្នំស្រួច បានធ្វេីការឃាត់ខ្លួនមុខសញ្ញាសង្ស័យ ២នាក់ ឈ្មោះ ឈៀង សីហា ប្រុស ២៩ឆ្នាំ នៅភូមិចំការចេក ឃុំត្រែងត្រយឹង និងឈ្មោះ ខៃ ណាត ប្រុស ១៧ឆ្នាំ រស់នៅភូមិតាឯក ឃុំបាស្រែ ស្រុកអង្គបុរី ខេត្តតាកែវ ពាក់ព័ន្ធពីបទរក្សាទុកប្រេីប្រាស់គ្រឿងញៀនដោយខុសច្បាប់ ឆែកឆេររកឃេីញ កូនសោរ អក្សរ T មួយដេីម ផ្លាកលេខម៉ូតូ បាក់មួយ ភ្នំពេញ1DE.4292 កែវឆ្លុះមួយគ្រឿង កាបូបស្ពាយមួយថ្នាំញៀនមួយកញ្ចប់ និងសម្ភារៈផ្សេងៗមួយចំនួន។
ដោយបានការចង្អុលណែនាំនិងបញ្ជាដ៏មុឹងម៉ាត់ពីលោកឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ ឲ្យជំនាញធ្វេីការសហការសាកសួរគ្រប់ប្រវត្ដិសកម្មភាពដល់ឫសគល់ មុខសញ្ញាដោយគេចវេសការពិតមិនបាន(កូនសោរអក្សរT) មានតំរុយភស្ដតាងសុីចង្វាក់ មុខសញ្ញាសង្ស័យបានទទួលស្គាល់និងបញ្ជាក់អំពីសកម្មភាពដែលក្រុមខ្លួនបានប្រព្រឹត្ដក្នុងការលួចយកម៉ូតូពីស្រុកបរសេដ្ឋ ដោយឃ្លាំមេីលនិងពិនិត្យតាមឧបករណ៍កែវឆ្លុះតាមដានសកម្មភាពម្ចាស់ផ្ទះពីចំងាយ។ ជាក់ស្តែងកំលាំងនគរបាលស្រុកបរសេដ្ឋ និងនគរបាលស្រុកភ្នំស្រួចបានឃាត់ខ្លួនព្រមទាំងដកហូតវត្ថុតាងបានម៉ូតូមួយគ្រឿង ភិនភាគដូចម៉ូតូ ជនរងគ្រោះ១០០% នៅផ្ទះសំណាក់ពេជ្រពៅ ឃុំត្រែងត្រយឹង ស្រុកភ្នំស្រួច និងបានបញ្ជូនខ្លួនមកការិយាល័យជំនាញព្រហ្មទណ្ឌកំរិតស្រាលខេត្ដ កសកសាងសំណុំរឿងចាត់ការតាមនីតិវិធីច្បាប់៕ ដោយ៖កូឡាប
