នៅរសៀលថ្ងៃទី១៧ ខែមិថុនា ឆ្នាំ២០១៩នេះ កម្លាំងនគបាលព្រហ្មទណ្ឌកំរិតស្រាល នៃស្នងការដ្ឋាននគបាលរាជធានីភ្នំពេញ បានបញ្ជូនជនសង្ស័យជាមេកាក្លឹបកម្សាន្ត លុច្សសារី ទៅកាន់តុលាការក្រុងភ្នំពេញហើយ ពាក់ព័ន្ធបទល្មើសគ្រឿងញៀននៅក្លឹប លុច្សសារី ក្រោយចាប់ខ្លួនបានកាលពីថ្ងៃម្សិលមិញ។
ជនសង្ស័យឈ្មោះ ហួន ទួច អាយុ៤០ ស្រុកកំណើតនៅភូមិទួលច្រេស ឃុំកំពង់អំពិល ស្រុករំដួល ខេត្តស្វាយរៀង សញ្ជាតិខ្មែរ មុខរបរ ពាណិជ្ជករ ទីលំនៅបច្ចុប្បន្ននៅបន្ទប់ជួល ភូមិទ្រា សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ដែលត្រូវសមត្ថកិច្ចចាប់ខ្លួនបាន កាលពីថ្ងៃទី១៦ ខែមិថុនា នៅទីប្រជុំជនស្រុកកំរៀង ខេត្តបាត់ដំបង។
ក្រោយបញ្ចប់ការសាកសួរបន្ថែម នៅរសៀលថ្ងៃដដែលនេះ ចៅក្រមស៊ើបសួរ លោក កូយ សៅ បានសម្រេចចេញដីការបង្គាប់ឲ្យឃុំខ្លួនជនសង្ស័យ ហួន ទួច ដាក់ពន្ធនាគារ ដើម្បីរង់ចាំធ្វើការជំនុំជម្រះនៅពេលក្រោយ។
ក្រោយទទួលបានព័ត៌មាននេះ លោកវិល្លាម ប្រធានគណបក្សខ្មែរក្រោក និងជាសមាជិកឧត្តមក្រុមប្រឹក្សាពិគ្រោះនិងផ្ដល់យោបល់ មានការងឿងឆ្ងល់ ថា នេះឬថៅកែក្លឹប luxurious ktv ដែលជាម្ចាស់ទីតាំងដែលចែកចាយគ្រឿងញៀនដ៏ធំនោះ ? ម្ដេចក៏សាច់ឈាមខ្មៅម្លេះក្រែងជា យួនកាត់ចិនមែនទេ ហេីយរស់នៅបន្ទប់ជួលស្ទឹងមានជ័យសោះ អាចជាថៅកែក្លឹបមែនឬ ? សូមបំភ្លឺបន្ថែម ចៀសវាងការយល់ច្រលំ ។
ស្នងការដ្ឋាននគរបាលរាជធានីភ្នំពេញ សូមច្រានចោលព័ត៌មានថា ឈ្មោះ ថាត់ វ៉ៃ មិនមែនជាថៅកែក្លឹបលុច្សសារីនោះទេ ហេីយថៅកែក្លឹបលុច្សសារី ពិតប្រាកដសមត្ថកិច្ចកំពុងតាមចាប់ខ្លួន។
ក្រោយពីមានការបកស្រាយ និងបញ្ជាក់ពីស្នងការដ្ឋាននគរបាលរាជធានីភ្នំពេញ សារព័ត៌នោះថាមានការយល់ច្រឡំ ហេីយក៏បានកែប្រែលេីការសរសេរនោះផងដែរ ។ សូមមេត្តាសារព័ត៌ទាំងអស់ជួយស្រាវជ្រាវ និងស្វែងរកព័ត៌អោយបានគ្រប់ជ្រុងជ្រោយ និងពិតប្រាកដ មុននឹងចុះផ្សាយជាសាធារណ:៕ ដោយ៖កូឡាប
