សេចក្តីជូនដំណឹងបន្ថែម ៖ ចាប់ពី​ថ្ងៃទី​២ ដល់ទី​១០ ខែតុលា មាន​ពពក​ដេ​ដាស់​មាន​ភ្លៀង​ពី​បង្គួរ​ទៅ​ច្រើន ក្នុង​ក្របខ័ណ្ឌ​ទូទាំងប្រទេស អាច​បង្ក​ឲ្យ​មាន​ជំនន់​ទឹកភ្លៀង​ច្រើន​កន្លែង

​បើតាម​សេចក្តីជូនដំណឹងបន្ថែម​របស់​ក្រសួង​ធនធានទឹក​និង​ឧតុនិយម​នៅ​ថ្ងៃទី​១​ខែតុលា​ឆ្នាំ​២០១៧ បាន​ឲ្យ​ដឹងថា ឥទ្ធិពល​របស់​ប្រព័ន្ធ​សម្ពាធ​ទាប នឹងធ្វើ​ឱ្យមាន​ភ្លៀង​ធ្លាក់​រាយប៉ាយ​ក្នុង​ក្របខ័ណ្ឌ​ទូទាំងប្រទេស ក្នុង​កំរិត​ពី​បង្គួរ​ទៅ​ច្រើន (​ចាប់ពី​ថ្ងៃទី ២ ដល់​ថ្ងៃទី ១០ ខែតុលា ឆ្នាំ ២០១៧) ។​

​ក្រសួង​ធនធានទឹក ក៏បាន​សូម​ប្រជាពលរដ្ឋ​បង្កើន​ការយកចិត្តទុកដាក់​ខ្ពស់ ពិសេស​ចំពោះ​ស្ថានភាព​ជំនន់​ទឹកភ្លៀង​ដែល​អាច​កើត​មាននៅ​តំបន់​ទំនាប និង​តំបន់​ជាប់​នឹង​ផ្លូវទឹក​នានា ។​