Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

គ្រូបង្រៀន​ក្មេងៗ​ថ្នាក់បឋមសិក្សា ពិតជា​ពិបាក​ជាង​ការបង្រៀន​នៅ​ថ្នាក់​មហាវិទ្យាល័យ​ទៅទៀត ហេតុអ្វី​?

spot_img

…​ព្រោះថា នៅ​ក្នុង​ខួរក្បាល​ស​ថ្លា និង​ក្មេងខ្ចី​របស់​ពួកគេ​ពោរពេញ​ដោយ​សុបិន្ត ការស្រមើស្រមៃ​។​ល​។ ដែល​ទាមទារ​ឲ្យ​អ្នកគ្រូត្រូ​វ​ប្រុងប្រយ័ត្ន​ពិនិត្យ​វាយតម្លៃ​ឲ្យបាន​ច្បាស់លាស់​មុន​នឹង​សម្រេច​ចិត្ត​។ ខាងក្រោម​នេះ គឺជា​រឿង​ជាក់ស្តែង​មួយ​។​

​ក្នុង​ថ្នាក់រៀន​មួយ​អ្នកគ្រូ​ដើរ​ចូល​មក​ថ្នាក់ សិស្សៗ​នាំ​គ្នា​ក្រោកឈរ​គោរព​។ អ្នកគ្រូ​ពោលថា ៖ ប្អូនៗ​បាន​រៀន​លេខចែក​ហើយ កាលពី​សប្តាហ៍​មុន ប្រហែល​ជា​ប្អូនៗ​យល់​អស់​ហើយ​មែន​ទេ​?​។ អ្នកគ្រូ​កាន់​ដី​ស ដើរ​សម្តៅ​ក្ការ​ខៀន រួច​សរសេរ​លេខ ៨​ធំៗ បន្ទាប់មក​ក៏​ងាក​សួរ​ទៅកាន់​សិស្ស​ទាំងអស់​ថា ៖” តើ​ពាក់កណ្តាល​របស់ ៨ ស្មើ​ប៉ុន្មាន​ទៅ​?​។​

​ក្មេងៗ​នាំគ្នា​លើក​ដៃ​ច្រូងច្រាង ខ្លះ​ទៀត​ទ្រាំលែងបាន​ក៏​ស្រែក គឺ ៤ អ្នគ្រូៗ​! អ្នកគ្រូ​ពិតជា​ត្រេកអរ ប៉ុន្តែ​ដោយ​ចៃដន្យ បាន​គ្រវាស​ភ្នែក​ឃើញ​សិស្ស​ម្នាក់​អង្គុយ​នៅ​កៅអី​ជួរ​ក្រោយ​គេ បើកភ្នែក​ឡេង​ឡង់ ដោយ​ពុំ​ព្រម​លើកដៃ​។​

​ឃើញ​បែប​នេះ​អ្នកគ្រូ​ក៏​ដើរ​ទៅ​ក្បែរ​សិស្ស​រូប​នោះ ហើយ​សួរថា “​តើ​ប្អូន​មិនដឹងថា ពាក់កណ្តាល​របស់ ៨ ស្មើ​នឹង​ប៉ុន្មាន​មែន​ទេ​?” ។ ក្មេង​នោះ​មាន​អា​ការៈភ័យខ្លាច រួច​ឆ្លើយ​ទាំង​រដាក់រដុប​ថា “​បាទ​អ្នកគ្រូ​ប្អូន​ពិតជា​ពុំ​យល់​ថា ហេតុអ្វី​បានជា​ពាក់កណ្តាល ៨ បែរជា ៤​ទៅ​វិញ​នោះ​?​។​

​ថ្នាក់រៀន​ទាំងមូល​លាន់​ឮ​សំឡេង​កោ​ក​កាក សំខាន់​គឺ​ការបន្ទោស​បង្អាប់​ពី​សំណាក់​មិត្ត​រួម​ថ្នាក់​ចំពោះ​ក្មេង​នោះ​។ ឃើញបែបនេះ អ្នកគ្រូ​ស្រែក​សុំ​ឲ្យ​សិស្ស​ដទៃទៀត រក្សា​សណ្តាប់ធ្នាប់ ហើយ​ស្ងៀមស្ងាត់ អ្នកគ្រូ​ក៏​បែរ​មក​កាន់​សិស្ស​នោះ​ហើយ​ថា “​តាម​ប្អូន​វិញ​តើ​វា​ស្មើ​ប៉ុន្មាន​ទៅ?”។​

​សិស្ស​រូប​នេះ​ក៏​ដើរ​យឺតៗ​សំដៅ​ទៅ​ក្តារខៀន រួច​យក​ដៃ​ម្ខាង​ទៅ​បិទ​រង្វង់​មូល​ខាងលើ​នៃ​លេខ ៨ ហើយ​ងាក​មក​កាន់​អ្នកគ្រូ​ឆ្លើយថា ៖ គឺ​ស្មើ​សូន្យ​អ្នកគ្រូ​! សិស្ស​១​ថ្នាក់ រួម​ទាំង​អ្នកគ្រូ​ផង ពិតជា​ស្រឡាំងកាំង​ណាស់​ចំពោះ​ចម្លើយ​នេះ​។ ក្មេង​រូបនោះ​បន្ត​យក​ដៃ​ម្ខាង​ទៅ​បិទ​ពាក់កណ្តាល​លេខ​៨ ផ្នែក​ខាងឆ្វេង រួច​ពោល​ទៅកាន់​អ្នកគ្រូ​ថា ៖ “​ឥឡូវនេះ គឺ​វា​ស្មើនឹង ៣!”​។​

​ពិតណាស់​! តប​នឹង​សំណូរ​ថា ៖ “​ពាក់កណ្តាល ៨ ស្មើ​ប៉ុន្មាន​?” នោះ​កាយវិការ​ខាង​លើ​របស់​ក្មេង​នេះ គឺជា​ចម្លើយ​ត្រឹមត្រូវ​មិន​អាច​ប្រកែក​បាន ៖ ស្មើ​សូន្យ ឬ​ស្មើនឹង ៣​។

​អ្នកគ្រូ​សម្រួល​អារម្មណ៍​មក​ធម្មតា ហើយ​ពោល​ទៅកាន់​សិស្ស​ទាំងអស់​ថា ចម្លើយ​នេះ​ពិតជា​អស្ចារ្យ​ណាស់​! ប្អូនប្រុស​នេះ បាន​ជួយ​ឲ្យ​ពួក​យើង​ទទួលបាន​នូវ​ចម្លើយ​បន្ថែម​។ និយាយ​ចប់​អ្នកគ្រូ​ក៏​យក​កូនឃ្លី ៨​គ្រាប់​ចេញមក រួច​ពោល​ទៅកាន់​សិស្ស​រូប​នោះ​ថា ប្អូន​យក​ឃ្លី​នេះ​ទៅ​រាប់​មើលតើ​មាន​ប៉ុន្មាន​?​។ ក្រោយ​ពី​រាប់​រួច​ក៏​ឆ្លើយ​ប្រាប់​អ្នកគ្រូ​ថា មាន​៨​គ្រាប់​។ អ្នកគ្រូ​បន្ត​សួរ ក៏​យក​ដៃ​គ្រាប់​ឃ្លី ៤ មក​លាក់ទុក​ក្រោយខ្នង រួច​សួរ​ថា តើ​ឥឡូវនេះ​វា​នៅ​សល់​ប៉ុន្មាន​?​។ ស្រាប់តែ​ក្មេង​រូប​នេះ​សម្តែង​ការ​ត្រេកអរ រួច​ឆ្លើយ​ខ្លាំងៗ​ថា “​ខ្ញុំ​យល់​ហើយ​! ពាក់កណ្តាល​របស់​៨ ក៏​ជា​៤​ដែរ មែន​ទេ​អ្នកគ្រូ​!”​។

​រឿង​ខាងលើ​ជាការ​ដាសតឿន​មួយ​ដល់​លោកគ្រូ​អ្នកគ្រូ​នៅ​ថ្នាក់​បឋម​សិក្សា ចាំបាច់​ត្រូវ​មាន​ចិត្តសាស្ត្រ​ស៊ីជម្រៅ ភាពទន់ភ្លន់ ដើម្បី​យល់​ពី​សិស្ស​ក្មេងៗ​ទាំងនោះ ព្រមទាំង​គប្បី​លើក តម្កើង​ឯករាជ្យភាព​នូវ​ខួរក្បាល​របស់​ពួកគេ​៕ សូ​យ​ន​

spot_img
×