ខេត្តព្រះសីហនុ៖ ប្រជាពលរដ្ឋរស់នៅសង្កាត់លេខ១ បានសំណូមពរដល់អភិបាលក្រុង និងខេត្តព្រះសីហនុ ឲ្យជួយស្ថាបនាផ្លូវលំ ចូលតាមសាលាសង្កាត់លេខ១ ដែលរងការខូចខាតធ្ងន់ធ្ងរ បណ្តាលមកពីឡានដឹកដី បង្កផលវិបាកដល់មធ្យោបាយធ្វើដំណើរឆ្លងកាត់។
ផ្តើមពីបញ្ហានេះ ប្រជាពលរដ្ឋក្រុមប្រជាពលរដ្ឋរស់នៅភូមិ១ សង្កាត់លេខ១ បានស្នើដល់ លោក អ៊ី សុខឡេង អភិបាលក្រុងព្រះសីហនុ និងលោក គួច ចំរើន អភិបាល នៃគណៈអភិបាលខេត្តព្រះសីហនុ ជួយពិចារណាស្ថាបនាផ្លូវលំ ចូលតាមច្រកសាលាសង្កាត់លេខ១ ដែលមានការខូចខាតធ្ងន់ធ្ងរ ជូនពួកគាត់ប្រើប្រាស់ឲ្យបានឆាប់ដោយអនុគ្រោះឲ្យបានឆាប់ផង។
ក្រុមប្រជាពលរដ្ឋ បានត្អូញត្អែរថា ផ្លូវលំ ឬផ្លូវបេតុង ចូលតាមច្រកសាលាសង្កាត់លេខ១ គឺបានខូចខាតស្ទើរទាំងស្រុង ផ្លូវជាប់ផុង, មានទឹកហូរកាត់ផ្លូវ និងលិចទឹកជាដើម…។
យ៉ាងនេះក្តី រហូតមកដល់ពេលនេះ នៅមិនទាន់មានការធ្វើអត្ថាធិប្បាយ ជុំវិញសំណូមពរ ស្ថាបនាផ្លូវថ្មី របស់ប្រជាពលរដ្ឋរស់នៅសង្កាត់លេខ១ ក្រុង-ខេត្តព្រះសីហនុ បានទេ នៅថ្ងៃទី១៨ ខែកក្កដា ឆ្នាំ២០១៩នេះ៕ ដោយ៖ ដែន សីមា