មនុស្សយ៉ាងហោចណាស់ចំនួន ១៥នាក់បានស្លាប់ បន្ទាប់ពីយន្តហោះយោធាខ្នាតតូចមួយគ្រឿង បានធ្លាក់ចំលំនៅស្ថានប្រជាពលរដ្ឋស្ថិតនៅទីក្រុង Rawalpindi នៃប្រទេសប៉ាគីស្ថាន។
បុគ្គលិកយន្តហោះចំនួន ៥នាក់ និងប្រជាជនស៊ីវិលចំនួន ១០នាក់បានស្លាប់នៅក្នុងហេតុការណ៍នោះ។ នេះបើតាមការបញ្ជាក់របស់អ្នកនាំពាក្យក្រុមជួយសង្រ្គោះឈ្មោះ Farooq Butt។ មនុស្សចំនួន ១២នាក់ផងដែរ បានរងរបួស។
ការធ្លាក់បណ្តាលឲ្យមានភ្លើងឆាបឆេះយ៉ាងសន្ធោរសន្ធៅ និងបានបំផ្លាញផ្ទះអស់ជាច្រើនខ្នង។
គេនៅពុំទាន់ដឹងច្បាស់ពីមូលហេតុនៃការធ្លាក់នៅឡើយទេ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
