មនុស្សចំនួន ៥នាក់បានស្លាប់ និង ៣នាក់ផ្សេងទៀតរងរបួស បន្ទាប់ពីមានការផ្ទុះគ្រាប់រ៉ុកែ្កតមួយគ្រាប់ នៅកន្លែងបាញ់សាកល្បងរបស់ទ័ពជើងទឹករុស្ស៊ី។ នេះបើតាមការបញ្ជាក់របស់ក្រុមហ៊ុននុយក្លេអ៊ែររដ្ឋឈ្មោះ Rostacom។
ក្រុមហ៊ុនខាងលើបញ្ជាក់ថា ហេតុការណ៍ផ្ទុះនោះកើតឡើងនៅថ្ងៃព្រហស្បតិ៍ អំឡុងពេលការសាកល្បងទៅលើម៉ាស៊ីនបាញ់រ៉ុកែ្កត។
បុគ្គលិកចំនួន ៣នាក់ត្រូវភ្លើងរលាកយ៉ាងខ្លាំងក្នុងហេតុការណ៍បាញ់សាកល្បងនៅកន្លែង Nyonoksa។
ក្រុមហ៊ុនថ្លែងប្រាប់បណ្តាញសារព័ត៌មានរុស្ស៊ីថា វិស្វករ និងក្រុមបច្ចេកទេសរបស់ខ្លួន បានធ្វើកិច្ចការលើប្រភពថាមពលសម្រាប់ប្រព័ន្ធរុញច្រានរ៉ុកែ្កត។
សូមបញ្ជាក់ថា Nyonoksa គឺជាកន្លែងសម្រាប់ធ្វើការបាញ់សាកល្បងប្រព័ន្ធមីស៊ីលប្រើប្រាស់ដោយទ័ពជើងទឹករុស្ស៊ី រួមមាន មីស៊ីលផ្លោងអន្តរទ្វីបបាញ់ចេញពីទឹក មីស៊ីលបាញ់ពីសមុទ្រ និងមីស៊ីលប្រឆាំងយន្តហោះចម្បាំង៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC