ប្រធានាធិបតីប្រេស៊ីល លោក Jair Bolsonaro បានបញ្ជាឲ្យកងកម្លាំងទៅជួយបង្រ្កាបភ្លើងដែលកំពុងឆៃព្រៃអាម៉ាហ្សូន ដែលវាគឺជាការឆេះធំបំផុត។
លោក Jair Bolsonaro បានបញ្ជាឲ្យមានការដាក់ពង្រាយកងកម្លាំងនៅតំបន់ជាច្រើនក្នុងតំបន់។
ការប្រកាសបញ្ជូនទ័ពទៅជួយបង្រ្កាបភ្លើងនេះ កើតឡើងក្រោយពេលមានការដាក់សម្ពាធពីមេដឹកនាំអឺរ៉ុបជាច្រើន។
លោក Jair Bolsonaro បានធ្វើការរិះគន់ចំពោះប្រតិកម្មរបស់ប្រទេសដទៃ ដោយបញ្ជាក់ថាការឆេះព្រៃ មិនអាចត្រូវបានប្រើប្រាស់ធ្វើជាបរិបថសម្រាប់ការដាក់ទណ្ឌកម្មលើ ប្រេស៊ីលទេ។
ការថ្លែងបែបនោះកើតឡើង ក្រោយពេលមេដឹកនាំបារាំង និងអៀរឡង់បាននិយាយថា ពួកគេនឹងមិនអនុម័តជំនួយធំជាមួយនឹងប្រទេសនៅអាមេរិចខាងត្បូងឡើយ ប្រសិនជាប្រេស៊ីល មិនចាត់វិធានការបន្ថែមដើម្បីដោះស្រាយបញ្ហាភ្លើងឆេះព្រៃនៅអាម៉ាហ្សូន។
រដ្ឋមន្រ្តីហិរញ្ញវត្ថុរបស់ប្រទេសហ្វាំងឡង់ ក៏បានស្នើឲ្យសភាពអឺរ៉ុបពិចារណាហាមខាតការនាំចូលសាច់គោលរបស់ប្រេស៊ីល។ បច្ចុប្បន្ន ហ្វាំងឡង់គឺជាប្រធាននៃក្រុមប្រឹក្សាសភាពអឺរ៉ុប។
នៅថ្ងៃសុក្រម្សិលមិញនេះដែរ សកម្មជនបរិស្ថានជាច្រើនក្រុមបានធ្វើការតវ៉ានៅក្នុងទីក្រុងជាច្រើន ទូទាំងប្រទេសប្រេស៊ីល ដើម្បីទាមទារឲ្យមានចំណាត់ការ ក្នុងការបង្រ្កាបភ្លើងឆេះព្រៃ ហើយអ្នកតវ៉ា ក៏បានធ្វើការប្រមូលផ្តុំគ្នានៅខាងក្រៅស្ថានទូតប្រេស៊ីលទូទាំងពិភពលោកផងដែរ។
សូមបញ្ជាក់ថា អាម៉ាហ្សូនគឺជាតំបន់ព្រៃដ៏ធំបំផុតក្នុងពិភពលោក។ វាគឺជាតំបន់ព្រៃដែលជួយស្រូបយកឧស្ម័នកាបូនិចបានច្រើន ដើម្បីជួយកាត់បន្ថយការឡើងកម្តៅផែនដី ហើយវាជួយផ្គត់ផ្គង់ឧស្ម័នអ៊ុកស៊ីហ្សែនចំនួន ២០ភាគរយ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
