មនុស្សចំនួន ៤នាក់បានបាត់ខ្លួន ក្រោយពេលកប៉ាល់កូរ៉េខាងត្បូងមួយគ្រឿងដែលមានដឹករថយន្ត ៤.០០០គ្រឿង បានផ្អៀងក្រឡាប់ កាលពីថ្ងៃអាទិត្យម្សិលមិញនេះ នៅសមុទ្រភាគខាងត្បូងរដ្ឋ Georgia សហរដ្ឋអាមេរិច។ នេះបើតាមការបញ្ជាក់របស់ក្រុមហ៊ុន Hyundai Glovis។
ឆ្មាំសមុទ្រអាមេរិចបានបញ្ជាក់ថា មានអ្នកបើកកប៉ាល់ម្នាក់ និងបុគ្គលិកចំនួន ២៣នាក់កំពុងស្ថិតនៅលើកប៉ាល់ឈ្មោះ Golden Ray នៅពេលវាផ្អៀងក្រឡាប់ ហើយមនុស្សចំនួន ២០នាក់ត្រូវបានជួយសង្គ្រោះ។
ក្រុមសង្គ្រោះកំពុងដុតដៃដុតជើងស្វែងរកមនុស្សចំនួន ៤នាក់ទៀតដែលគេជឿជាក់ថាកំពុងនៅក្នុងបន្ទប់ម៉ាស៊ីនរបស់កប៉ាល់នោះ។ នេះបើតាមការបញ្ជាក់របស់ក្រុមហ៊ុន និងក្រសួងការបរទេសកូរ៉េខាងត្បូង។
ក្រុមជួយសង្គ្រោះរួមមាន កូរ៉េខាងត្បូងចំនួន ៦នាក់ ជនជាតិភីលីពីន ១៣នាក់ និងអ្នកបើកយន្តហោះអាមេរិចម្នាក់។
នៅលើកប៉ាល់ដែលលិចនោះ មានផ្ទុករថយន្តម៉ាក Hyundai និង Kia។ ក្រុមហ៊ុនបញ្ជាក់ថា កប៉ាល់អាចមានសមត្ថភាពដឹករថយន្តបានជិត ៧.០០០គ្រឿង៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
