ភ្នំពេញ ៖ ក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ព័ត៌មានបន្ថែម ពីករណីគ្រោះថ្នាក់ចរាចរ កាលពីល្ងាចថ្ងៃទី១៨ ខែកញ្ញា ឆ្នាំ២០១៩ នៅតាមបណ្តោយផ្លូវជាតិលេខ៤១ ចន្លោះគីឡូម៉ែត្រលេខ១៤ និងលេខ១៥ ស្ថិតនៅភូមិទួលតាមសុខ ឃុំសែនដី ស្រុកសំរោងទង ខេត្តកំពង់ស្ពឺ ដែលបណ្តាលឲ្យកម្មករ៣នាក់ ស្លាប់ និង១០នាក់ផ្សេងទៀត រងរបួស ។
ហេតុការណ៍គ្រោះថ្នាក់ចរាចរមួយកើតឡើងនៅម៉ោងប្រមាណ ១៨និង០០នាទីបង្កដោយរថយន្តទេសចរណ៍Ford មួយគ្រឿងបុកម៉ូតូ២ គ្រឿងបណ្ដាលឲ្យបាត់បង់អាយុជីវិតមនុស្ស ៣នាក់ និងរងរបួសធ្ងន់-ស្រាល មួយចំនួនកំពុងតែសម្រាកសង្រ្គោះព្យាបាលនៅក្នុងមន្ទីរពេទ្យ។
ហេតុការណ៍គ្រោះថ្នាក់ចរាចរ រវាងរថយន្ដដឹកកម្មករ បុកជាមួយរថយន្តអ្នកដំណើរ នៅផ្លូវជាតិលេខ៤១ ក្នុងចន្លោះគីឡូម៉ែត្រលេខ១៤-១៥ ភូមិទួលតាសុខ ឃុំសែនដី ស្រុកសំរោងទង ខេត្តកំពង់ស្ពឺ ។ បង្កដោយរថយន្ដ១គ្រឿងម៉ាក Ford ពណ៌ទឹកប្រាក់ ពាក់ផ្លាកលេខភ្នំពេញ 2F-1161 អ្នកបើកបរមិនស្គាល់អត្តសញ្ញាណរត់គេចខ្លួន មកដល់ចំណុចខាងលើ បានបុកម៉ូតូ2គ្រឿង ម៉ូតូម៉ាកហុងដា C12 5 ពណ៌ខ្មៅ ពាក់ផ្លាកលេខភ្នំពេញ1CU-8356 បើកបរដោយឈ្មោះ សីហា ភេទប្រុសអាយុ27ឆ្នាំស្លាប់ពេលបញ្ជូនទៅមន្ទីរពេទ្យ ឌុបមនុស្ស2នាក់ឈ្មោះ តាំង គឹមលី ភេទស្រី អាយុ23ឆ្នាំ (ស្លាប់)ពេលបញ្ជូនដល់មន្ទីរពេទ្យឈ្មោះ តាំង គឹមចេង ភេទស្រី អាយុ23ឆ្នាំ ស្លាប់ពេលបញ្ជូនទៅមន្ទីរពេទ្យ អសយដ្ឋាននៅភូមិបឹងងោង ឃុំទឹកល្អក់ ស្រុកគងពិសី និង ១គ្រឿងទៀតម៉ាកធូដេ ពាក់ផ្លាកលេខកំពង់ស្ពឺ1K-3898 រុញទៅបុកផ្ទុបជាមួយរថយន្ដ១គ្រឿងទៀតប្រភេទកូរ៉េ ពណ៌ខៀវ ដឹកកម្មករ ពាក់ផ្លាកលេខភ្នំពេញ 2AI-2110បើកបរដោយឈ្មោះ រម្យ ភារុន ភេទប្រុស អាយុ40ឆ្នាំ រស់នៅភូមិគ ឃុំទឹកល្អក់ ស្រុកគងពិសី បណ្ដាលឲ្យរងរបួស កម្មករ កម្មការិនី ធ្ងន់ ស្រាល ០៦នាក់ ។
ក្នុងនាមនគរបាលខេត្តកំពង់ស្ពឺទាំងអស់ លោកឧត្តមសេនីយ៍ទោ សម សាមួន ស្នងការនគរបាលខេត្ត សូមចូលរួមរំលែកទុក្ខ និងសម្ដែងការសោកស្តាយជាពន់ពេក ក្នុងករណីគ្រោះថ្នាក់ចរាចរខាងលើនេះ យកឱកាសនេះធ្វើការអំពាវនាវដល់អ្នកបើកបរទាំងអស់(រថយន្ដ.ទោចក្រយានយន្ត) សូមមេត្ដាបើកបរដោយការអធ្យាស្រ័យយោគយល់និងគោរពច្បាប់ចរាចរណ៍ទាំងអស់គ្នា ពិសេសក្នុងពេលបុណ្យកាន់បិណ្ឌ ភ្ជុំបិណ្ឌខាងមុខនេះ មានតែការប្រុងប្រយ័ត្នគ្រប់ៗគ្នាទេទើបបញ្ជៀសបាននូវករណីគ្រោះថ្នាក់ចរាចរកើតឡើងជាយថាហេតុ គ្រប់កាលៈទេសៈ៕ដោយ :កូឡាប