ខេត្តស្វាយរៀង៖ រឿងរ៉ាវឈ្លោះទាស់ទែង មិនចេះនៅក្នុងគ្រួសារមួយ បង្កឲ្យកើតអំពើហឹង្សា ឈានដល់ឪពុកក្មេក ទាញបានដាវកាប់មកលើកូនប្រសាបណ្តាលឲ្យរងរបួស។ ករណីនេះបានកើតឡើងកាលពីវេលាម៉ោង10និង40នាទី នៅថ្ងៃទី20 ខែកញ្ញា ឆ្នាំ2019 នៅចំណុចភូមិ ដំណាក់កន្ទូត ឃុំស្វាយយា ស្រុកស្វាយជ្រំ ខេត្តស្វាយរៀង។
បើយោងតាមសមត្ថកិច្ចមូលដ្ឋាន បានឲ្យដឹងថា៖ ករណីនេះ ឈានដល់បង្កហឹង្សាមានរបួសស្នាមនេះ ដោយសារតែមានជម្លោះក្នុងគ្រួសារ ដល់ប្រើហឹង្សារវាងឪពុកក្មេក និងកូនប្រសា។
ប្រភពបានបន្តទៀតថា៖ នៅថ្ងៃកើហេតុ គឺបុរសជាកូនប្រសាឈ្មោះប៉ែន សុខ ភេទប្រុស អាយុ28ឆ្នាំ ជនជាតិខ្មែរ មុខរបរតម្បាញក្រមា មានទីលំនៅ ភូមិ ឃុំ ជាមួយគ្នា ត្រូវរបួសចំកញ្ចឹងកផ្នែកខាងឆ្វេង ទើបមកពីភ្នំពេញ ហើយមានការឈ្លោះប្រកែកគ្នា ជាមួយប្រពន្ធ ខណៈពេលនោះឪពុកក្មេក ឈ្មោះយស់ ខេន អាយុ54ឆ្នាំ ជនជាតិខ្មែរ មុខរបរធ្វើស្រែ មានទីលំនៅភូមិ ឃុំ កើតហេតុខាលើ បានបោះពាក្យសម្តីថា បើចុះចេញពីហើយ កុំមកវិញធ្វើអី រហូតដល់មានការប្រវាយប្រតប់គ្នា រវាងឪក្មេកនិងកូនប្រសា តែបានកូនស្រីត្រូវជាប្រពន្ធជនរងគ្រោះ ឃាត់និងបំបែកគ្នា។ មួយសន្ទុះមក ក៏បុរសជាកូនប្រសា លោតមករករឿងឪពុកក្មេកទៀត ឪក្មេកបានកាន់ដាវក្នុងផងនោះ ក៏កាប់ទៅលើកូនប្រសាត្រូវចំកញ្ចឹងក ផ្នែកខាងឆ្វេង បណ្តាលឲ្យរងរបួស ។
ក្រោយពីកាប់រួចជនសង្ស័យ បានរត់គេចខ្លួនបាត់ រីឯជនរងគ្រោះបញ្ជូនទៅព្យាបាលនៅមន្ទីរពេទ្យខេត្តស្វាយរៀង។
បច្ចុប្បន្នសមត្ថកិច្ចកំពុងស្រាវជ្រាវរកវត្ថុតាង និងជនសង្ស័យ។ មូលហេតុ គឺជនរងគ្រោះទើបនឹងមកពីភ្នំពេញ ជនសង្ស័យបណ្តេញឲ្យចេញពីផ្ទះ ប៉ុន្តែជនរងគ្រោះមិនព្រមចេញ ជនសង្ស័យខឹងក៏កាប់តែម្តង៕ ដោយ៖ វ៉ៃកូ
