ភ្នំពេញ ៖ តាមរយៈផេកហ្វេសប៊ុកផ្លូវការ នៅថ្ងៃទី៣០កញ្ញានេះ លោក ឃួង ស្រេង អភិបាលរាជធានីភ្នំពេញបានថ្លែងថា សូមអបអរសាទរដល់ក្មួយស្រីអ្នកដំណើរដែលបានសម្រាលកូនលើរថយន្តក្រុងរដ្ឋាករស្វយ័តដឹកជញ្ជូនសាធារណៈ(City Bus) ឆ្ពោះទៅខេត្តសៀមរាប ដែលទទួលបានសុខសុវត្ថិភាពទាំងម្តាយ ទាំងទារិកា និងក៏សូមថ្លែងអំណរគុណដល់អ្នកបើកបររថយន្តក្រុង អ្នករួមដំណើរ ព្រមទាំងក្រុមគ្រូពេទ្យមន្ទីរពេទ្យជ័យវរ្ម័នទី៧ ដែលបានយកចិត្តទុកដាក់ខិតខំជួយអស់ពីកម្លាំងកាយ កម្លាំងចិត្ត នៅថ្ងៃបុណ្យឈប់សម្រាក៕ ដោយ៖កូឡាប
