ប៉ូលីសអូស្រ្តាលីបានចាប់ខ្លួនបុរសវ័យ ១៩ឆ្នាំម្នាក់ ដោយសារតែបុរសរូបនោះបានបើកឡានបុក និងកិនសត្វកង់ហ្គារូឲ្យងាប់ច់ំនួន ២០ក្បាល។
សាកសពសត្វទាំងនោះដែលរួមមានកូនសត្វកង់ហ្គារូជាច្រើន ត្រូវបានគេប្រទះឃើញកាពីថ្ងៃអាទិត្យនៅតាមដងផ្លូវ ស្ថិតនៅជាយទីក្រុងស៊ីតនី។
បុរសវ័យក្មេងដែលប្រព្រឹត្តអំពើឃោរឃៅដាក់លើសត្វនោះ ត្រូវបានចាប់ខ្លួននៅថ្ងៃអង្គារម្សិលមិញនេះ និងត្រូវបានចោទប្រកាន់ពីបទប្រព្រឹត្តអំពើឃោរឃៅ និងធ្វើទណ្ឌកម្មលើសត្វ។
បើតាមច្បាប់នៃរដ្ឋ New South Wale បញ្ជាក់ថា ជនទាំងឡាយណាដែលប្រព្រឹត្តអំពើឃោរឃៅលើសត្វ អាចប្រឈមនឹងការជាប់គុករយៈពេល ៥ឆ្នាំ និងរងពិន័យជាប្រាក់ ១៥.០០០ដុល្លារអាមេរិច។
ក្រុមអ្នកសង្រ្គោះសត្វព្រៃ បានចាត់ទុកហេតុការណ៍បើកបុក និងសម្លាប់សត្វនោះថាជាសោកនាដកម្ម។ ពួកគេនិយាយថា ប្រជាជនដែលរស់នៅតំបន់កើតហេតុនោះបានភ្ញាក់ពីដំណេកឡើង ហើយបានឃើញសត្វងាប់ជាច្រើននៅកន្លែងពួកគេ។
ជនល្មើសខាងលើ នឹងត្រូវកាត់ទោសនៅខែវិច្ឆិកាខាងមុខ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
