ត្បូងឃ្មុំ៖ ជនសង្ស័យ១នាក់ ពាក់ព័ន្ធនឹងករណីឃាតកម្ម (ប្ដីកាប់ប្រពន្ធ) ត្រូវបានកម្លាំងនគរបាល នៃអធិការដ្ឋាននគរបាលស្រុកក្រូចឆ្មារ ធ្វើការ បង្ក្រាបឃាត់ខ្លួន បន្ទាប់ពីបានធ្វើសកម្មភាពកាប់ប្រពន្ធរបស់ខ្លួនឯង ហើយបានកាប់ មកលើសមត្ថកិច្ចនគរបាល ក្នុងខណៈពេលចុះប្រតិបត្តិការបង្ក្រាបជាក់ស្តែង នៅចំណុចភូមិមុខភ្នំ ឃុំទួលស្នួល ស្រុកក្រូចឆ្មារ ខេត្តត្បូងឃ្មុំ កាលពីវេលាម៉ោង៥និង ៣០ នាទី ថ្ងៃទី៦ ខែតុលា ឆ្នាំ២០១៩ ។
ហេតុការណ៍នេះកើតឡើងកាលពី វេលាម៉ោង ៤ ថ្ងៃទី៦ ខែតុលា ឆ្នាំ២០១៩ ជនសង្ស័យឈ្មោះ ឆយ ឈឿន ភេទប្រុស អាយុ ៥២ឆ្នាំ រស់នៅភូមិឃុំកើតហេតុខាងលើ ។
លោកអនុសេនីយ៍ទោ ឆេ ឡាង នាយរងប៉ុស្តិ៍ ត្រូវចំក្បាលដាច់លលាដ៌ក្បាល ត្រូវបានក្រុមគ្រួសារ បញ្ជូនទៅសង្គ្រោះនៅមន្ទីរពេទ្យ ។
ករណីនេះជំនាញបានឃាត់ខ្លួនជនសង្ស័យ បញ្ជូនមកអធិការដ្ឋាន នគរបាលស្រុកក្រូចឆ្មារ កសាងសំណុំរឿងតាមនីតិវិធី ៕ដោយ៖កូឡាប
