(ភ្នំពេញ)៖ រាជរដ្ឋាភិបាល បានចេញអនុក្រិតស្តីពីការចេញផ្សាយធនប័ត្រអនុស្សាវរីយ៍ប្រភេទ ១៥០០០រៀល និងប្រកាសរបស់ធនាគារជាតិនៃកម្ពុជា ស្តីពីលក្ខណៈសម្គាស់នៃធនប័ត្រអនុស្សាវរីយ៍ប្រភេទ ១៥០០០រៀល នាថ្ងៃទី០៧ ខែតុលា ឆ្នាំ២០១៩នេះ ។
អនុក្រឹក្យលេខ១៥៣ អនក្រ.បក បានអនុញ្ញាតឲ្យចេញផ្សាយ ធ្វើចរាចរណ៍ និងប្រើប្រាស់នៅទូទាំងព្រះរាជាណាចក្រកម្ពុជា នូវធនប័ត្រអនុស្សាវរីយ៍ ប្រភេទ ១៥០០០រៀល ទន្ទឹមនឹងបណ្តាប្រភេទក្រដាសប្រាក់ដែលត្រូវបានចេញផ្សាយរួចហើយ។
សូមបញ្ជាក់ថា រាជរដ្ឋាភិបាលកម្ពុជា បានបោះពុម្ពចេញផ្សាយនូវក្រដាសប្រាក់រៀលគំរូថ្មី ដែលរៀបចំឡើងដើម្បីអបអរសាទរក្នុងឱកាស ដ៏មហានក្ខត្តឫក្សវិសេសវិសាល នៃព្រះរាជពិធីបុណ្យគម្រប់ខួប ១៥ព្រះវស្សា ការយាងគ្រងព្រះបរមសិរីរាជ្យសម្បត្តិ នៃព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ដែលនឹងប្រារព្ធឡើងនៅថ្ងៃទី២៩ ខែតុលា ឆ្នាំ២០១៩ខាងមុខនេះ៕ ដោយ៖កូឡាប