សហរដ្ឋអាមេរិច បានព្រមព្រៀងពន្យារពេលដំឡើងពន្ធលើផលិតផលនាំចូលពីចិន ក្រោយពេលកិច្ចចរចារពាណិជកម្ម នៃប្រទេសមហាអំណាចសេដ្ឋកិច្ចទាំងពីរកំពុងតែបន្ត។
លោកដូណាល់ ត្រាំ បាននិយាយថា អ្នកចរចារបានសម្រេចកិច្ចព្រមព្រៀងមួយ រួមមានការបង្កើនទិញផលិផលកសិកម្ម ដោះស្រាយបញ្ហាសេវាកម្មហិរញ្ញវត្ថុ និងការលួចបច្ចេកវិទ្យា។
មន្រ្តីចរចារជាន់ខ្ពស់របស់ចិន លោក Liu He បានថ្លែងថា គាត់មានការសប្បាយចិត្តយ៉ាងខ្លាំងចំពោះការរីកចម្រើននៃការចរចារ។
លោកត្រាំ បាននិយាយថា “ពួកយើងបានមកដល់ដំណាក់កាលព្រមព្រៀងគ្នា ដែលនឹងសរសេរលើក្រដាស។” លោកបន្ថែមថា អ្នកចរចារនឹងធ្វើការពិភាក្សាលើដំណាក់បន្ថែមភ្លាម នៅពេលកិច្ចព្រមព្រៀងនេះត្រូវបានកត់ត្រាលើក្រដាស។
សូមបញ្ជាក់ថា អាមេរិចគ្រៀងនឹងធ្វើការដំឡើងពន្ធចំនួន ៣០ភាគរយលើផលិតផលមួយចំនួននាំចូលពីប្រទេសចិន នៅសប្តាហ៍ក្រោយ ប៉ុន្តែក៏បានសម្រេចចិត្តពន្យារពេលទៅវិញ ដោយសារមើលឃើញថា ការចរចារមានការរីកចម្រើនទៅមុខ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC