សៀមរាប៖ នៅថ្ងៃអាទិត្យ ទី២៧ ខែតុលា ឆ្នាំ២០១៩ វេលាម៉ោង០៨នឹង៣០នាទីព្រឹក កម្លាំងសមត្ថកិច្ចចម្រុះចម្រុះ រួមមានកម្លាំងនគរបាលស្រុកប្រាសាទបាគង កម្លាំងអាវុធហត្ថ កម្លាំងរដ្ឋបាលសង្កាត់ជលផល និងកម្លាំងសហគមន៍ ដឹកនាំដោយលោក នឹម សុវណ្ណអភិបាលរងស្រុកប្រាសាទបាគង ដែលមានចំនួនសរុប១៥នាក់ បានចុះទៅបង្ក្រាបបទល្មើសជលផលនៅចំណុចភូមិសាស្ត្រ ឃុំកំពង់ភ្លុក និងឃុំមានជ័យ។
កម្លាំងសមត្ថកិច្ចចម្រុះបានបង្ក្រាប និងបំផ្លាញនៅនឹងកន្លែងរួមមាន៖ក្បាលបស្បៃមុង ចំនួន២៥ក្បាល សាច់មង ៧៥០ម៉ែត្រ (ដុតចោល) ចំរ៉ឹង ៥៥០ដើម និងព្រលែងកូនត្រីចំនួន ១០គីឡូក្រាម ៕ ដោយ ៖ បញ្ញាស័ក្តិ
