ភ្នំពេញ៖ នាព្រឹកថ្ងៃសៅរ៍ ទី៣០ ខែវិច្ឆិកា ឆ្នាំ២០១៨នេះ គ្លីនិកពហុព្យាបាល Absolute Health នៃព្រះរាជាណាចក្រថៃ បានរៀបចំសិក្ខាសាលាស្តីពីការព្យាបាលបង្កើតកោសិកាថ្មីឡើងវិញ និងពន្យារភាពចាស់ នៅសណ្ឋាគារសូហ្វីថែលភ្នំពេញភូគីត្រា ក្រោមអធិបតីភាព លោកខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកស្រីតឹករ៉េត កំរ៉ង រដ្ឋលេខាធិការក្រសួងពាណិជ្ជកម្ម និងលោកវេជ្ជបណ្ឌិត Chatchai Sribundit អគ្គនាយក Absolute Health Group។
សិក្ខាសាលានេះ មានការអញ្ជើញចូលរួម ដោយភ្ញៀវកិត្តិយសជាតិ និងអន្តរជាតិជាច្រើននាក់ និងត្រូវបាន
រៀបចំឡើងក្នុងគោលបំណងផ្សព្វផ្សាយ អំពីអត្ថប្រយោជន៍នៃការថែរក្សាសុខភាព និងសម្ផស្សតាមរយៈ
វិធីកែប្រែទម្លាប់នៃការរស់នៅឲ្យបានត្រឹមត្រូវ និងរួមមានការធ្វើបទបង្ហាញ និងផ្តល់ការប្រឹក្សាយោបល់
អំពីការស្តារ និងថែរក្សាសុខភាពនិងសម្ផស្សពីសំណាក់ក្រុមគ្រូពេទ្យជំនាញដែលបានឆ្លងកាត់ការ
ហ្វឹកហ្វឺនបណ្តុះបណ្តាល និងទទួលបានសញ្ញាបត្របញ្ជាក់គុណភាពពីស្ថាប័ននានានៅលើពិភពលោក
ដើម្បីណែនាំអ្នកចូលរួមឲ្យអនុវត្តការថែរក្សាសុខភាព និងសម្ផស្សឲ្យបានត្រឹមត្រូវ។
លោកស្រីតឹករ៉េត កំរ៉ង រដ្ឋលេខាធិការក្រសួងពាណិជ្ជកម្ម បានថ្លែងថា សិក្ខាសាលា ដ៏មានសារសំខាន់
ស្តីពីការព្យបាលបង្កើតកោសិកាថ្មីឡើងវិញ និងពន្យារភាពចាស់ ដែលរៀបចំដោយគ្លីនិកពហុព្យាបាលAbsolute
Health នៃព្រះរាជណាចក្រថៃ។ តាមរយៈការរៀបចំសិក្ខាសាលានេះ នាងខ្ញុំបានទទួលដំណឹងថា ក្រុមហ៊ុន
Absolute Health Group គ្រោងនឹងពង្រីកសេវាកម្មព្យាបាលរបស់ខ្លួនមកកម្ពុជា។ តាមរយៈនេះ ខ្ញុំអាចធ្វើការ
វាយតម្លៃបានថា ប្រទេសកម្ពុជាបានផ្តល់បរិយាកាសដ៏ល្អប្រសើរក្នុងការធ្វើពាណិជ្ជកម្ម និងការវិនិយោគពីដៃគូ
បរទេស និងប្រទេសជិតខាង ដូចជាគ្លីនិកពហុព្យាបាលAbsolute Health ពីព្រះរាជាណាចក្រថៃនេះជាដើមស្រាប់។
លោកស្រី បានបន្តថា ខ្ញុំមានការជឿជាក់ថាសិក្ខាសាលាថ្ងៃនេះ មិនត្រឹមតែផ្តល់នូវការសិក្សាស្វែងយល់ពីការព្យាបាលបង្កើត
ឡើងវិញនូវកោសិកាថ្មី និងពន្យារភាពចាស់ប៉ុណ្ណោះទេ តែថែមទាំងផ្តល់ឱកាសដល់ធុរកិច្ចនៃប្រទេសទាំងពីរអាច
ធ្វើការសហការគ្នា ដើម្បីផ្តល់សេវកម្មព្យាបាលឲ្យកាត់តែប្រសើរដល់ប្រជាជននៅក្នុងតំបន់។
ទន្ទឹមនេះ ខ្ញុំក៏សូមថ្លែងអំណរគុណដល់Abosolute Health Group ដែលបានមើលឃើញពីសក្តានុពល
ទីផ្សាររបស់កម្ពុជា និងជ្រើសរើសប្រទេសកម្ពុជា ជាគោលដៅក្នុងការវិនិយោគរបស់ខ្លួន។ ខ្ញុំសង្កេតឃើញថា
ការសហការជាមួយដៃគូក្នុងស្រុក គឺជាការបំពេញឲ្យគ្នាទៅវិញទៅមក នូវបច្ចេកវិទ្យាព្យាបាល ទីផ្សារនិងបទពិសោធន៍ល្អៗ ដែលនេះជាអ្វីដែលប្រទេសជិតខាងគួរតែធ្វើរួមគ្នា។
ថ្លែងក្នុងសិក្ខាសាលានេះ លោកខៀវ កញ្ញារីទ្ធ បានមានប្រសាសន៍ថា៖ “ឆ្លៀតក្នុងឱកាសនេះ ខ្ញុំក៏សូម
ថ្លែងអំណរគុណយ៉ាងជ្រាលជ្រៅដល់Abosolute Health Group ដែលបានជ្រើសរើសប្រទេសកម្ពុជាដើម្បីរៀបចំ
សិក្ខាសាលាដ៏មានអត្ថប្រយោជន៍នេះឡើង ដើម្បីចែករំលែកចំណេះដឹង និងស្វែងយល់ពីការព្យាបាលបង្កើតកោសិ
កាថ្មីនេះឡើងដល់អ្នកចូលរួម ក៏ដូចជាប្រជាជនកម្ពុជា។ ខ្ញុំជឿជាក់ថាការព្យាបាលបង្កើតកោសិកាថ្មីឡើងវិញ និង
ពន្យារភាពចាស់នេះនឹងទទួលបានការចាប់អារម្មណ៍ ពីអ្នកចូលរួមទាំងអស់ និងពិតជាបានរួមចំណែកបញ្ញា
ចំណេះដឹងផ្នែកសុខភាពជូនអ្នកចូលរួមទាំងអស់”។
លោករដ្ឋមន្រ្តី បានថ្លែងថា សិក្ខាសាលាថ្ងៃនេះ គឺជាឱកាសមួយឲ្យយើងបានសិក្សាស្វែងយល់ពីការ
ព្យាបាលបង្កើតឡើងវិញនូវកោសិកាថ្មី ដើម្បីពន្យារភាពចាស់ ដែលខ្ញុំជឿថាការព្យាបាលបែបនេះ មានលក្ខណៈថ្មី
ចំពោះប្រទេស និងប្រជាជនកម្ពុជាយើងនៅឡើយ។ នៅមុនសិក្ខាសាលានេះចាប់ផ្តើម ខ្ញុំមានឱកាសបានជួប
ពិភាក្សាជាមួយ វេជ្ជបណ្ឌិត Chatchaiដោយផ្ទាល់ ហើយសិក្ខាសាលាថ្ងៃនេះផ្ទាល់ យើងនឹងបានស្ដាប់ ស្វែង
យល់ និងសួរសំណួរអំពីការព្យាបាលនេះ ក៏ដូចជាទទួលបានការពិគ្រោះយោបល់ដោយឥតគិតថ្លៃពីលោកវេជ្ជ
បណ្ឌិតផ្ទាល់ និងក៏ដូចជាក្រុមគ្រូពេទ្យរបស់Absolute Health។
ថ្លែងក្នុងសិក្ខាសាលាផងដែរនេះ វេជ្ជបណ្ឌិត CHATCHAI SRIBUNDIT អគ្គនាយក ក្រុមហ៊ុន Absolute :
Health Group បានគូសបញ្ជាក់ថា៖ “ខ្ញុំមានសេចក្តីសោមនស្ស ក្នុងការស្វែងរកដៃគូសហការនៅកម្ពុជា
ដើម្បីធានាបានឲ្យថាប្រជាជននៅក្នុងតំបន់របស់យកទទួលបានការព្យាបាលដែលមានគុណភាពAbsolute Health គឺជាគ្លីនិក ដែលឈានមុខគេនៅប្រទេសថៃ និងមានក្រុមគ្រូពេទ្យជំនាញពោរពេញ
ដោយបទពិសោធន៍ ដែលផ្តល់នូវទំនុកចិត្តជូនអតិថិជននូវការព្យាបាលឆ្លើយតបទៅនឹងតម្រូវការផ្នែក
សុខភាពគ្រប់ផ្នែក គ្រប់ដំណាក់កាល ចាប់តាំងពីការពិនិត្យវិភាគសុខភាពលក្ខណៈជារួម ដើម្បីរកឲ្យ
ឃើញនូវមូលហេតុនៃជំងឺយ៉ាងស៊ីជម្រៅ ការពិនិត្យវិភាគជំងឺរ៉ាំរ៉ៃនានា ការថែទាំសុខភាពក្នុងន័យការពារ
ជំងឺនិងពន្យារភាពចាស់ ព្រមជាមួយនឹងសេវាប្រកបដោយភាពងាយស្រួល កក់ក្តៅ យកចិត្តទុកដាក់ នា
គ្រប់ដំណាក់កាលទាំងអស់នៃការព្យាបាល។
លើសពីនេះទៅទៀត ក្រុមគ្រូពេទ្យជំនាញមិនត្រឹមតែបំពេញតួនាទីជាគ្រូពេទ្យព្យាបាលប៉ុណ្ណោះទេ ថែម
ទាំងបំពេញតួនាទីជាទីប្រឹក្សាផ្នែកសុខភាពផ្ទាល់ខ្លួន ដើម្បីជាវិធីសាស្រ្តគាំទ្រសុខភាពដ៏ល្អចំពោះអ្នកជំងឺក្នុងរយៈពេលវែងទៀតផង។
គ្លីនិកនេះ សង្កត់ធ្ងន់លើការព្យាបាលឲ្យចំមូលហេតុពិតនៃជំងឺ ការពារមិនឲ្យមានជំងឺ ដោយឧបករណ៍
និងបច្ចេកវិទ្យាទំនើបទាន់សម័យ គ្រប់ដណ្តប់គ្រប់ប្រព័ន្ធដំណើរការរាងកាយ ស្តារនិងព្យាបាលជំងឺ
ដោយវិធីកែប្រែទម្លាប់ការរស់នៅ លាងជាតិពុល ប្រើប្រាស់សារធាតុចិញ្ចឹម វីតាមីន និងជាតិអីយ៉ុង ការ
មើលថែផ្នែកចំណីអាហារចំពោះបុគ្គលយ៉ាងមានអនាម័យ ការថែទាំសម្រស់ស្បែក ពន្យាររភាព និងការ
បន្តឹងស្បែកនិងរាង្គកាយ ដើម្បីឲ្យអ្នកមានភាពស្រស់ស្អាតដូចធម្មជាតិ ដោយបច្ចេកវិទ្យាព្យាបាលដោយ
ចលនា និងស្តារដោយវេជ្ជសាស្ត្រ ដោយប្រើកាំរស្មីឡាស៊ែរ រលកshock Wave រលកម៉ាញ៉េទិច ដើម្បី
ព្យាបាលដោយគ្មានការឈឺចាប់៕ ដោយ៖កូឡាប