ភ្នំពេញ ៖ អាជ្ញាធរចំការមនកម្លាំងចម្រុះ ចុះត្រួតពិនិត្យទីតាំងអាជីវកម្មមជ្ឈមណ្ឌលកំសាន្តសម្រាប់កុមារ ហ្គេម វើលដ៏ ដែលស្ថិតនៅក្រោយស្ថានទូតអូស្ត្រាលី ផ្លូវលេខ ៧៨ ភូមិ ១៤ សង្កាត់ ទន្លេបាសាក់ ខណ្ឌចំការមន រាជធានីភ្នំពេញ ហើយបានសម្រេច ដកហូតទូរហ្គេមទាំងអស់នេះ មករក្សាទុកនៅសាលាខណ្ឌចំការមន និងបាននាំអ្នកពាក់ព័ន្ធចំនួន ១១នាក់ ដែលលួចលាក់បង្កប់បនល្បែងស៊ីសង ហ្គេមបាញ់ត្រី។
ប្រតិបត្តិការបង្ក្រាបនេះ ធ្វើឡើងកាលពីរសៀលថ្ងៃទី១២ ខែធ្នូ ឆ្នាំ២០១៩នេះ ដែលលោក កែវ សំណាង អភិបាលរងអភិបាលខណ្ឌចំការមន បានដឹកនាំក្រោយពីបានត្រួតពិនិត្យរួចមក ក្រុមការងារបានឃើញថា នៅក្នុងទីតាំងនោះមានទូរហ្គេមបាញ់ត្រីចំនួន ០៨ គ្រឿង ដែលដាក់បង្កប់នៅក្នុងមជ្ឈមណ្ឌលកំសាន្ដនេះ ដូចនេះក្រុមការបានសម្រេច ដកហូតទូរហ្គេមទាំងអស់នេះ មករក្សាទុកនៅសាលាខណ្ឌចំការមន និងបាននាំអ្នកពាក់ព័ន្ធចំនួន ១១នាក់ ដើម្បីមកសាកសួរព័ត៌មានបន្ថែម នៅសាលាខណ្ឌចំការមន។ ចំពោះបញ្ហាពាក់ព័ន្ធល្បែងស៊ីសងខុសច្បាប់ គ្រប់ប្រភេទក្នុងមូលដ្ឋានខណ្ឌចំការមន លោកអភិបាលខណ្ឌ នឹងបន្តចាត់វិធានការចុះបង្ក្រាបបន្តបន្ទាប់ទៀត។
លោកថា អាជ្ញាធរខណ្ឌចំការមន ចុះបង្ក្រាបរាល់បនល្បែងស៊ីសងគ្រប់ប្រភេទ ជាបន្តបន្ទាប់ ពិសេសបនល្បែងស៊ីសងជាប្រភេទទូរហ្គេមបាញ់ត្រី តួយ៉ាងដូចនៅរសៀលថ្ងៃនេះជាដើម។ អាជ្ញាធរខណ្ឌចំការមន ធ្លាប់ព្រមានដល់អ្នកដែលនៅពីក្រោយខ្នងបនល្បែងស៊ីសង និងកាងបនល្បែងស៊ីសងទាំងអស់នោះ សូមអោយដកខ្លួនថយ ឬចេញជាបន្ទាន់ បើមិនដកខ្លួនថយនោះទេ នៅពេលណាមួយលោកស្រាវជ្រាវ រកឃើញឬស្គាល់មុខអ្នកកាង ឬនៅពីក្រោយបនល្បែងស៊ីសងទាំងនោះ និងចាត់វិធានការរដ្ឋបាលតាមផ្លូវច្បាប់ ដោយមិនលើកលែងឡើយ។
បនល្បែងស៊ីសង ប្រភេទល្បែងទូរហ្គេមបាញ់ត្រីនេះ បោសសម្អាត់ឲ្យដល់ឫស្សគល់ក្នុងមូលដ្ឋានខណ្ឌចំការមន៕ដោយ៖បញ្ញាស័ក្តិ
