ព្រោះតែជក់នឹងការរត់លេងព្រិល Ming Mingបានធ្វើឲ្យជ្រុះបាត់ទូរស័ព្ទរបស់ម្តាយ។ ម្តាយរូបនេះ បានចងកូនជាប់នឹងកៅអី រួចវាយជាច្រើនម៉ោងបណ្តាលឲ្យស្លាប់។
Ming Ming អាយុ ៩ឆ្នាំ រស់នៅ Taizhou ខេត្ត Zhejiang ប្រទេសចិន។ នៅថ្ងៃទី ៥/១ ព្រោះជក់លេងព្រិលក្នុងឧទ្យាន ក៏ជ្រុះបាត់ទូរស័ព្ទរបស់ម្តាយ។ ម៉ោងប្រហែល ៣ វាក៏ប្រឹងស្វែងរក។ ទោះបីបុគ្គលិកសន្តិសុខខ្នះខ្នែងជួយរកក្តីតែពុំឃើញ។
CCTV ថតរឿងរ៉ាវនេះឡើងវិញ
សន្តិសុខឈ្មោះ Qian ឲ្យដឹងថា ទូរស័ព្ទនេះ ពុំមានស៊ីម ហេតុនេះវាពុំងាយរកឃើញពេលត្រូវព្រិលគ្របពីលើនោះ។
ពេលដឹងរឿងនេះ ស្ត្រីជាម្តាយនោះ Chen បានផ្ទុះកំហឹង ហើយចាប់កូនចងផ្អោបកៅអី រួចយកបន្ទះឈើវាយ តាំងពីម៉ោង ៦ ដល់ម៉ោង ១១ យប់ -5ម៉ោង!។
ដោយរងរបួសធ្ងន់ពេក Ming Ming បានស្លាប់ ក្រោយមកពុំយូរប៉ុន្មាន ហើយពេលធ្វើកោសល្យវិច្ច័យ ក្រុមគ្រូពេទ្យពិតជាខ្លោចផ្សារ ដោយឃើញស្នាមរបួសធ្ងន់ធ្ងរពាសពេញខ្លួនប្រាណ ក្បាលហើយលើមុខ។
ប្រាប់ Jiangsu News ម្តាយរូបនេះបានបដិសេធថា វាយកូនធ្ងន់ធ្ងររយៈពេលវែង… ដោយថា ខ្ញុំវាយវាបន្តិចបន្តួចប៉ុណ្ណោះ!
ម្តាយចិត្ត… ! រូបនេះ បានត្រូវប៉ូលិសចាប់ខ្លួន ដើម្បីទទួលទោស។ ហួសចិត្តទៀតនោះគឺនៅថ្ងៃទី ៨/១ ពេលព្រិលរលាយអ្នកជិតខាងបានឃើញទូរស័ព្ទរបស់អ្នកស្រី Chen -ទូរស័ព្ទដែលបានធ្វើឲ្យក្មេងប្រុសម្នាក់… ស្លាប់យ៉ាងអណោចអធ័ម៕ ចន្ទ្រា
