អាមេរិ​ចប​ដិសេធផ្តល់ទិដ្ឋការឲ្យរដ្ឋ​ម​ន្រ្តីកា​របរ​ទេសអ៊ីរ៉ង ដើម្បីបានចូលរួមកិច្ច​ប្រ​ជុំនៅអ​ង្គកា​រសហ​ប្រជា​ជាតិ

សហរដ្ឋអាមេរិចបានបដិសេធផ្ត​ល់​ទិដ្ឋ​ការ​ឲ្យរដ្ឋម​ន្រ្តីកា​របរ​ទេសអ៊ីរ៉ង លោក Mohammad Javad Zarif ដើម្បីឲ្យចូលរួមកិច្ចប្រ​ជុំក្រុមប្រឹក្សាសន្តិ​សុ​ខរ​​បស់អ​ង្គកា​រស​ហប្រ​ជាជា​តិ នៅថ្ងៃព្រហ​ស្បតិ៍ខា​ងមុខ​នេះ។ នេះបើតាមការបញ្ជាក់របស់មន្រ្តី​អា​មេរិច​។

ការប្រកាសមិនផ្តល់ទិដ្ឋការដល់​អ្ន​កកា​រទូ​តអ៊ីរ៉ង ក្រោយពេលប្រទេសទាំងពីរ​កំ​ពុង​តែគំ​រាម ដាក់គ្នាទៅវិញទៅ​ម​កយ៉ាង​ខ្លាំ​ង បន្ទាប់ពីអាមេរិចបា​ន​សម្លា​ប់​មេបញ្ជា​ការម្នា​ក់រ​បស់អ៊ីរ៉​ង​ឈ្មោះ Qassem Soleimani កាលពីថ្ងៃសុក្រកន្លង​ទៅ​នេះ​។

ទោះយ៉ាងណា បើយោងតាមកិច្ចព្រមព្រៀង​រ​បស់​ទីស្នា​ក់កា​រក​ណ្តាល​អង្គកា​រសហ​ប្រជា​ជាតិ​ឆ្នាំ ១៩៤៧ សហរដ្ឋអាមេរិចត្រូវតម្រូវឲ្យមន្រ្តី​កា​រទូ​តអ​ន្តរជាតិទាំ​ងអស់ ចូលមកអង្គកា​រ​សហ​ប្រជាជា​​តិ។

ប៉ុន្តែទីក្រុងវ៉ាស៊ីនតោនបានថ្លែ​ង​ថា ការបដិសេធទិដ្ឋការនោះគឺក្រោមហេ​តុ​ផល​ការ​ពារស​ន្តិ​សុខ ភេរវកម្ម។

សូមបញ្ជាក់ថា រដ្ឋមន្រ្តី​កា​រប​រទេ​សអ៊ីរ៉ងបានធ្វើដំណើរមកកាន់ទី​ក្រុ​ងញូ​វ​ញ៉ក កាលពីខែសីហា ដើម្បីចូលរួមកិច្ចប្រជុំប្រចាំ​ឆ្នាំ​នៅអ​ង្គការ​សហ​ប្រជាជា​តិ ក្រោយពេលអាមេរិចបានដា​ក់​ទណ្ឌ​កម្មលើ​រូប​លោ​ក​ ដោយសារតែការអនុវ​ត្ត​ផែន​ការ​របស់​មេដឹ​កនាំ​កំពូ​លរប​ស់​អ៊ីរ៉ង។

ទណ្ឌកម្មនោះបានធ្វើការបង្កក​ទ្រ​ព្យស​ម្បតិ្ត ឬផលប្រយោជន៍របស់​លោ​ក​ Mohammad Javad Zarif ទាំងអស់នៅក្នុងអាមេរិច ​ប៉ុ​ន្តែលោក​និយា​យ​វិញថា លោកមិនមានទ្រព្យអ្វី​ឡើ​យ​នៅអាមេ​រិ​ច។

ស្ថានភាពនៅមជ្ឈិមបូព៌ា​កំ​ពុ​ង​តែក្តៅខ្លាំង ក្រោយពេលអាមេរិចបាន​​ប្រើដ្រូន​សម្លា​ប់មេប​ញ្ជាកា​រកំ​ពូ​លរប​ស់​អ៊ីរ៉ង។ អ៊ីរ៉ងបានព្រមានសងសឹកអា​មេ​រិ​ចវិញ ប៉ុន្តែអាមេរិចក៏បានព្រមាន​វា​យប្រ​ហារទី​តាំង​សំ​ខាន់ៗ ៥២កន្លែងរបស់អ៊ីរ៉​ង​វិញ បើអ៊ីរ៉ងហ៊ានធ្វើការសងសឹ​ក​៕

អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia