មនុស្សយ៉ាងហោចណាស់ចំនួន ៥០នាក់បានស្លាប់ក្នុងហេតុការណ៍ រត់ជាន់គ្នាកាលពីថ្ងៃអង្គារម្សិលមិញនេះ កំឡុងពិធីហែរសពរបស់ឧត្តមសេនីយ៍ Qasem Soleimani ដែលស្លាប់ដោយការវាយប្រហាររបស់អាមេរិច។
សោកនាដកម្មនោះកើតឡើងក្រោយពេលវ៉ូងមនុស្សជាច្រើនបានសម្រុកធ្វើដំណើរ ទៅកាន់ទីកន្លែងកំណើត របស់ឧត្តមសេនីយ៍ Qasem Soleimani ដែលជាមេដឹកនាំដ៏មានប្រជាប្រិយភាព នៅក្នុងពិភពអ្នកកាន់សាសនាអ៊ីស្លាម។
មនុស្ស ២១២នាក់នាក់ក៏បានរងរបួសផងដែរ ក្នុងគ្រោះអកុសលនោះផងដែរ ដែលកើតឡើងនៅក្នុងទីក្រុង Kerman។
សូមបញ្ជាក់ថា មេបញ្ជាការកងឆ្មាំអ៊ីរ៉ង ត្រូវបានសម្លាប់កាលពីថ្ងៃសុក្រកន្លងទៅនេះ ដោយការវាយប្រហាររបស់អាមេរិច នៅព្រលានយន្តហោះរដ្ឋធានីបាដាដ ស្ថិតក្នុងប្រទេសអ៊ីរ៉ាក់។
នៅថ្ងៃអង្គារ អ៊ីរ៉ងបានធ្វើការវាយប្រហារមូលដ្ឋានទ័ពអាមេរិច ២កន្លែងក្នុងប្រទេសអ៊ីរ៉ាក់ ដើម្បីជាការសងសឹក។ អ៊ីរ៉ងក៏បានព្រមានវាយប្រហារអ៊ីស្រាអ៊ែល និងអារ៉ាប់រួមផងដែរ ប្រសិនជាអាមេរិចធ្វើការសងសឹក ចំពោះការវាយប្រហាររបស់ខ្លួន។ អ៊ីស្រាលអ៊ែល និងអារ៉ាប់រួម គឺជាសម្ព័ន្ធមិត្តចាក់ទឹកមិនលិចរបស់អាមេរិច៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
