Tuesday, October 4, 2022

អៀវ​កូនក្រមុំ​ចូល​ផ្ទះ ស្មាន​ពុំ​ដល់​ថា អ្នក​ទាំង​២ បែរ​ជា​ក្លាយទៅជា​តួ​ត្លុក ធ្វើឲ្យ​គេ​ទប់​សំណើចពុំ​បាន​

spot_img

…​គ្រាន់​តែ​កូន​កម្លោះ​បន្ទន់​ជំហ​រឱនក្បាល ស្រាប់តែ​កូនក្រមុំ​លោត​ឡើង​ទ្រោប​ពីលើ​ខ្នង​ភ្លាមៗ ជា​ហេតុ​ធ្វើ​ឲ្យ​កូនកម្លោះ​បាត់​ម្ចាស់​ការហើយ​…។

តាម​ប្រពៃណី តំបន់​នោះ ពេល​ដង្ហែរ​កូនក្រមុំ​ដល់ផ្ទះ កូន​កម្លោះ​ពុំ​ត្រូវ​ឲ្យជើង​កូនក្រមុំ​ប៉ះ​ដី​មុនពេល​ចូល​ផ្ទះ កូនម្លោះ​ទេ​។ ហេតុនេះ​ទើប​ទន្ទឹមនឹង​ពេល​ស្នូ​ផាវ​ផ្ទុះឡើង​នោះ កូន​កម្លោះ​ស្ទុះ​ទៅ​អៀវ​កូនក្រមុំ​ចេញពី​រថយន្ត​។​

​ស្មាន​ពុំ​ដល់​ថា កូន​កម្លោះ​ទើប​តែឱន​បន្ទាបខ្លួន កូនក្រុំ​ស្ទុះ​ឡើង​ទ្រោប​ពីក្រោយ​ភ្លាមៗ ជា​ហេតុ​ធ្វើ​ឲ្យ​កូនកម្លោះ​បាត់ជំហរ ប្រឹង​ស្ទុះ​ទៅ​មុខ​ដើម្បី​រក្សា​លំនឹង​ឡើងវិញ ប៉ុន្តែ​…​។​

​កូន​កម្លោះ​បោះបាន ២-៣​ជំហាន ក៏​ដួល ហើយ “​គ្រ​វែង​” កូនក្រមុំ​ឲ្យ​ហើរ​ទៅមុខ​…

​ហេតុការណ៍​នេះ​ត្រូវ​បាន​បង្ហោះ​លើ​បណ្តាញ​សង្គម​។ ខ្លះ​ទម្លាក់កំហុស​លើ​ការ “​ប្រញាប់ប្រញាល់​” ជ្រុល​របស់​កូនក្រមុំ ខ្លះទៀត​ថា ប្រហែល​កូន​កម្លោះ​មុននោះ​មាន​ផឹក​ខ្លះៗ ទើប​ធ្វើឲ្យ​មាន​សភាព “​ទ្រេតទ្រោត​” បែបនេះ​។​

​ខ្លះ​ទៀត​លួងលោម​ថា ៖ “​កូនក្រមុំ​អាច​ខឹង​១​រយៈ​… តែ​ពួកគេ​ពិតជា​នឹង​រីករាយ​ព្រោះ​ពុំ​ងាយ​ទទួលបាន​រូបភាព​ពិតៗ​ទុក​ជា​អនុស្សាវរីយ៍ បែបនេះ​នោះ​ទេ​៕ ចន្ទ្រា​