ខេត្តស្វាយរៀង៖អ្នកជីករណ្តៅយកអាចម៍ដីលក់បានប្រទះឃើញគ្រាប់មិនទាន់ផ្ទុះ១គ្រាប់ ដែលទម្លាក់ពីលើយន្តហោះប្រភេទMK82 ផលិតនៅសហរដ្ឋអាមេរិក ដែលទម្លាក់សម័យសង្គ្រាមក្នុងទសវត្សរ៍ទី៧០ ជាមរតកនៃសង្គ្រាមពួកទាហ៊ានអាមេរិកបន្សល់ទុកឲ្យកូនខ្មែរ។
ការប្រទះឃើញនេះគឺកាលពីថ្ងៃទី១៤ខែមករាឆ្នាំ២០២០ វេលាម៉ោង៧ព្រឹក អ្នកជីកយកអាចម៍ដីលក់បានប្រទះឃើញ គ្រាប់មិនទាន់ផ្ទុះ១គ្រាប់នេះ កប់នៅក្នុងដីក្នុងទីតាំងរណ្តៅដី ស្ថិតនៅភូមិតាពៅ សង្កាត់បាវិត ក្រុងបាវិត។ ទោះបីមានរយៈពេលជិត៥០ឆ្នាំ មកហើយក្តីគ្រាប់និងយុទ្ធភណ្ឌ មិនទាន់ផ្ទុះដែលបន្សល់ពីសម័យសង្គ្រាម ដែលគាំទ្រដោយសហរដ្ឋអាមេរិក ជួយរបរលោកសេនាប្រមុខលន់នល់ នៅតែតាមលងបន្លាចដល់ប្រជាពលរដ្ឋខ្មែររហូតសព្វថ្ងៃ។ ហើយគ្រាប់ទម្លាក់ពីលើយន្តហោះប្រភេទMK82មួយគ្រាប់នេះ គឺទាហ៊ានអាមេរិកកាំង បានទម្លាក់គ្រាប់បែកក្នុងសម័យសង្គ្រាម ហើយមិនផ្ទុះសូមអាជ្ញាធរមេត្តាចុះ ទៅពិនិត្យនិងយកទៅរក្សាទុកទីសុវត្ថិភាពផង៕ដោយ៖វ៉ៃកូ